hang on hang on, við borgum fyrir lögin með gjöldum á geisladiska, harðadiska, diskabrennara and so on til Stefs...

...er Stef þá að selja þýfi??????

Svona lagaflækjur eru jafn rökvísar og einnar nótu limbó.

Las annars lausnina í innleggi frá þér neðar á síðunni.

Clue me in Tony, hver er lausnin?

naah, STEF gjöld af diskum og hörðum diskum (ekki viss um að maður borgi af brennurum) eru til að maður geti afritað diska sem maður er þegar búinn að kaupa, til eigin nota, svona til að hafa í bílnum eða eiga öryggiseintök, þanniglagað.

annars er að ég held hola í íslensku lögunum, deilir.is er ekki ólöglegur að því ég best veit! hvaða lögfræðingar sögðu þér að þú mættir ekki hafa lag vikunnar inni? einhverjir frá STEFi? þarf að skoða málið nánar

einn kunningi minn er enn með lag vikunnar...

Er ekki málið að hýsa þetta bara á einhverjum rússneskum eða kínverskum server? Það er ekki ólöglegt að vera með linka.

Anna bloggar frá Litla Hrauni. Þetta verður fínt, enginn skortur á sögum.

deilir.is er ekki ólöglegur afþví þeir hýsa ekkert heldur er bara tengipunktur fyrir notendur sem hýsa allt sjálfir og sjá um að brjóta lögin, hér er serverinn í eigu ISNIC og því er ISNIC ábyrgt fyrir því sem hýst er á honum.

Anna getur auðvitað samið við stef um dreifingu tónlistar á internetinu en mig grunar að það rokki á hundruðum þúsunda ef ekki milljónum á ári.

Annars voru þetta erlendir höfundarréttarhafar sem kvörtuðu og nú er Anna á svörtum lista og það er harðara að komast af honum en úr helvíti.

/Óli

P.S. Og til að losna við erlenda lögfræðinga þá var það ég sem skipaði lögunum af servernum og mun því vera "lögfræðingurinn" í því máli...

Gat nú verið - Anna, þú þarft endilega að finna þér meðfærilegri kerfisstjóra

Hildigunnur, sæl...

Við borgum af hörðu diskunum og geislabrennurunum líka, það er pottþétt.

En semsagt, ef ég skil þig rétt þá erum við að borga þar fyrir tónlist sem við höfum borgað fyrir nú þegar?

.... mér finnst það frekar lélegt að þurfa yfir höfuð að borga stefgjöld af geisladiskum þegar ég er að láta þá frá mér í hundraðatali ár hvert með eigin verkum í prentsmiðjur og dagblöðin, er þa ekki alveg jafn sanngjarnt að ég fái borgað vissa prósentu af hagnaði dúkastrekkingastofa? það sem ég set á geisladiska er álíka mikið tengt tónlist og dúkastrekkingum.

En það verður náttúrulega að hafa í huga að maðurinn sem barðist hvað harðast fyrir þessum þjófna..... uhm, gjöldum er Maggi Kjartans, get svosem skilið það... Sé fyrir mér að þjófnaður á Sólarsömbu hafi verið stórt vandamál.

Það gat svo sem verið að handlangarar græðginnar hefðu látið í sér heyra.

EN svona til að fylgja spori Organistans eftir - af hverju ekki að hjóla í einhvern dagskrárstjóra á Rás tvö og láta sögur og lög vikunnar njóta sín þar undir lögsögu afnotagjalda eitt kvöld í viku..........?

Hvernig er það Anna eigum við ekki eitthvað af gömlum lögum sem VIÐ sömdum og tókum upp hér í den tíð? Þú mannst - á svipuðum tíma og við vorum að æfa fyrir bíómyndina sem við ætluðum að framleiða. Þú hefur fullt samþykki mitt til þess að nota þau lög sem song of the week. Engin stefgjöld þar og ekkert ólöglegt!

Já þú meinar? Ég syng bara. Acustic. Hmm... Hvað hétu þau aftur?

"mig langar aldrei að verða fullorðin og taktu þessa reikninga og troddu þeim"
"spaghetti slarf"
"á gulum kjól í hjólbörum"
"blaðburða blús"
"þessi jakki rúlar"
"ég er ekki þvottabjörn, þetta er augnskuggi"

Vá Edda, af hverju gáfum við ekki út disk????

að ógleymdu..

"Á ísnum dansa ísbirnir"

Það hefði pottþétt verið á best of disknum.

LOL !!!! "ég er ekki þvottabjörn, þetta er augnskuggi"
Snilldartitill. Líklega finnst mér þetta svona öskrandi fyndið því ég var að skanna inn gamlar skólamyndir fyrir árganginn minn og jeminn... maður tengdi magn við gæði á þeim tíma...

Ég ætti nú að setja inn myndir af mér frá þessum tíma, þær eru óborganlegar. Það sem maður klíndi framan í sig af fullkomnu kunnáttuleysi, það var ekki lítið!

Engin ástæða til að rífast Hildigunnur, við höfum ekki gert það í gegnum árin og förum fjandakornið ekki að byrja á því núna....

Bara ósáttur við að vera að borga Magga Kjartans gjöld af geisladiskum sem ég nota undir eigin tölvugögn. Ég er búinn að borga milljónfalt fyrir þessa ömurlegu sólarsömbu hans og borga andlega í hvert skipti sem það gaul heyrist í kringum mig.

Ertu ekki að gleyma "Því ég er ........ (að vísu áttum við bara textann en Madonna lagið) og mörgum öðrum eðal númerum! Já og svo "Don Cano eða Adidas" Já þetta voru hittarar unglingsáranna. Enda erum við komnar af miklum tónskáldum. Ekki margir sem myndu flytja Þingvallasöngin í rabbstíl á árshátíðinni í níunda bekk og slá í gegn
já þetta voru bestu árin enda hjólbörur fyrir utan annað hvert hús í nýbyggingahverfum Kópavogs

Ég kem ekki til með að botna þetta. Ever.

Á samt upptökuna einhverstaðar ennþá.

Við áttum svo sannarlega textann, það verður ekki af okkur tekið. En textinn var nóg til þess að ég vann. Að sjálfsögðu.

You do what you gotta do..

nei nei halldór, ég bara man ekki eftir því að við höfum rifist

það er ekkert óeðlilegt við það að maður borgi aftur af diski sem maður afritar þó maður sé búinn að borga gjöld af honum í upphafi, þau gjöld gilda bara fyrir það eina eintak en ekki fleiri.

eins og ég sagði áður, skil ég vel að fólk sé súrt, sem kaupir diska og notar þá eingöngu fyrir sitt eigið efni, en ég er nokkuð viss um að flestir diskarnir fara undir músík nema þá þeir sem fara undir kópíeringar á leikjum og forritum (forritahöfundar hafa ekki svona sterk samtök á bak við sig)

ég hef tekið þetta efni upp á fulltrúaráðsfundum en við höfum ekki fundið leið til að undanskilja þá sem sannanlega eru ekki að nota diskana til kópíeringar, það er ekkert einfalt, nefnilega!

og eins og ég sagði áður, er þetta eiginlega ekki rétti vettvangurinn...

hehehe, ok.... við höfum sannarlega um eitthvað að tala næst þegar ég sé þig og fjölskyldu vera að dútla við húsið þegar ég ek framhjá....

En þessi vettvangur er ágætur, ég fékk að blása aðeins og það er bara hollt