 |
|
|
|
 |
Útvarpsreykingarödd
Fimmtudagur, 15. júlí 2004
Er ég með svoleiðis? Það er magnað. Ætli röddin í mér breytist þá smám saman nú þegar ég er hætt að reykja? Ætli ég verði skræk? Ætli ég gangi í gegnum aðrar breytingar samfara reykleysi? Er ég sama manneskjan? Vill til að ég var í tjáningu í fjarnámi og þurfti að skila nokkrum verkefnum á teipi eða mp3. Æfðist í að hlusta á röddina mína og gekk, af þeim sökum, ekki í gegnum "dísus, þetta hljómar ekki eins og ég" krísu þegar ég tók upp Sögumanna þáttinn. Fékk líka mjög háa einkunn í tjáningu og kennarinn tók sérstaklega fram að ég væri með "góða rödd". Ég veit nú minnst um það, en ég veit að mér stökk varla bros á meðan ég las textann, enda var mér ekki hlátur í hug. Breytti því ekki að börnin mín hlóu þegar þau hlustuðu á þáttinn því þau voru jú á staðnum og vita að ég er nánast ekkert að ýkja. Svona var þetta helvíti! Mamma hringdi í mig strax og þátturinn var búinn og sagði: "þú ert svo neikvæð og hljómar eins og þunglyndissjúklingur, en þetta var flott". Mamma segir oft svona. Ég er vön því. Ég var reyndar að reyna að hljóma kaldhæðnislega og mæðulega á köflum. Það getur ekki verið sátt manneskja sem borgar vel yfir kvartmilljón fyrir svona frí. Er það? Ég hef velt því fyrir mér hvað ég á að gera fyrir næsta þátt. Mér dettur ekkert í hug. Vill til að hann er á dagskrá daginn fyrir afmælið mitt og ég verð líklega komin á fyrsta glas þegar hann fer í loftið. Maður ætti kannski að búa til afmælis þátt. Fara út í aldursbömmera eða eitthvað álíka. Maður veit ekki. Gæti líka fjallað um eitthvað allt annað. Þarf bara að detta það í hug fyrst. Hallast jafnvel að því að fjalla um bólur. Nú eða beauty is pain fílósófíuna. Hvernig væri það? Já hvernig væri það? | anna | 19:03 |
comments
Tja, er þetta ekki bara spurning um þema? Eins og "Allt var betra í gamla daga", "Hvað er hægt að brúka karlmenn til?, "Hjónabandið", "Að versla snyrtivörur", etc... Sama skúffa og hérna á síðunni. Nr. 1 | posted by: Refurinn Loki | 15.07.2004 | 19:32:32 | [+] |Mér fannst þátturinn skemmtilegur (eins og bloggið þitt er alltaf) og röddin flott - svolítið Lauren Bacall svona. Ekki leiðum að líkjast. Nr. 3 | posted by: siggahg | 15.07.2004 | 20:08:54 | [+] |Lauren Bacall? Vá. Þetta er flottasta compliment sem ég hef fengið í langan tíma. Það er sko ekki leiðum að líkjast hvað rödd varðar! Væri reyndar líka alveg til í að hafa svona mitti eins og hún. Og hár. Og.. Nú held ég að það sé veruleg hætta á að ég ofmetnist og kaupi mér karókí græju! Nii.. ætli það. Takk Sigga! Þú varst sko ekkert með neina útvarpsreykingarödd. Varst meira kaldhæðin en minna, en það var nú bara í góðu lagi. Ef ég má koma með uppástungu, sem er náttlega helber frekja. Þá myndi ég skrifa næst um eitthvað allt annað, gera það sem þú gerir svo vel. Snerta strengi, tala frá hjartanu. (Ég grenjaði svo yfir færslunni þinni um skiptinemasystur þína allavega...)
|
