 |
|
|
|
 |
Baktus bróðir..
Mánudagur, 05. júlí 2004
Dagurinn í dag var góður. Mjög góður. Eftir vinnu fór ég að sækja Dodda, sem var að hlusta á Mambo nr. 5 á geisladisknum sem hann fékk að fara með með sér í leikskólann. Hann er með þetta lag á heilanum. Á leiðinni heim vorum við að syngja þetta saman og hann spurði: "mamma, af hverju segir hann "you can run you can kæ you and me gonna tússí skæ" og svo aawww! ? "Af því að hann er í svo miklu stuði" svaraði ég. Hann var sáttur við það og svo sungum við "Mambo number five" alla leiðina heim. Það var kjúklingur í matinn. Dodda finnst hann góður en var búinn að bíta í sig að þetta væri "ógeðslegur matur, punktur". Nú vill til að við Doddi erum með samning sem hljóðar þannig að það er bannað að segja að matur sé ógeðslegur.. þangað til maður er búin að smakka hann. "Já mamma, en ég er búin að smakka þetta og mér fannst það ógeð". Ég spurði hann hvernig stæði á því að hann hefði fengið sér þrisvar á diskinn síðast.. "ég var bara að plata þig" var svarið. Á endanum fékk hann sér smá kjúkling og viti menn.. jú.. þetta var ógeð.. sagði hann, en borðaði samt þangað til hann var saddur. Þegar hann var kominn í náttfötin og ég var að fara að bursta í honum tennurnar minnti hann mig á nokkuð sem ég var búin að gleyma, enda er svo langt síðan ég hef gert það. Doddi hefur nefnilega átt í miklu haturssambandi við tannbursta frá því hann fékk fyrstu tönnina. Hann þolir þá ekki. Það var martröð að fá hann til að bursta þegar hann var yngri eða þangað til ég fór að tala við Karíus og Baktus. Eins og allir foreldrar vita eru þeir þarna upp í manni, hlaupandi um með hárið út í allar áttir vopnaðir hömrum og hökum. Það eru hinsvegar ekki allir sem sjá þá með berum augum, en ég geri það. Í þykjustunni allavega. Ég vandi Dodda við tannburstun með því að lýsa fyrir honum æsilegum eltingarleik og hvernig þeir hoppuðu úr efri góð í neðri, reyndu að halda sér dauðahaldi í augntönn og hvernig tannburstinn gómaði þá. Svo heyrðum við neyðarópin þegar hann skyrpti út úr sér tannkreminu. Þetta fannst Dodda gaman og í kvöld bað hann mig að segja Karíusi og Baktusi að hann ætlaði ekki að borða neitt nammi handa þeim. Svo opnaði hann ginið upp á gátt. Ég sá þá strax helvítin í öðrum endajaxlinum til hægri. Voru þar í garðstólum frá Rúmfatalagernum að chilla með kók í annarri og snickers í hinni. "Eigum við að bursta þá?" spurði ég Dodda.. Hann kinkaði kolli. Eftir mikinn eltingarleik og fjör skyrpti Doddi út úr sér og kallaði á eftir þeim: "haha!" Hann sofnaði á fimm mínútum og ég fór í bað. Þegar ég kom uppúr baði naglalakkaði ég mig og núna.. er ég að fara að vinna í handritinu mínu. En þetta var góður dagur. To say the least. | anna | 22:16 |
comments
Þú ert góð móðir. Nr. 1 | posted by: AlanHudson | 6.07.2004 | 3:59:48 | [+] |spurning um að fá leyfi höfundar til að stela hugmyndinni, er nefnilega bitin á hverju kvöldi af tannburstahatandi óargadýri. Nr. 2 | posted by: maja | 6.07.2004 | 9:13:39 | [+] |Mín stelpa var svona líka, alveg rosalega tannburstafirrt. Ég held að þetta hafi einfaldlega verið eitt af því sem hún fann að hún gat ráðið yfir. Það er nefnilega ekki hægt að bursta tennur í lokuðum munni, það lærðist mér fljótt. En það var pabbi kallinn (ekki getulaus þrátt fyrir allt!) sem fann upp á því að eltast við skrítnu náungana út um allan munn. Og best var þegar verknaðurinn var yfirstaðinn - þá missti hann alltaf annan hvorn kallinn ofan af tannburstanum og niður á gólf. Þá varð að beygja sig eftir flóttamanninum og flýta sér svo með þá báða undir bununa í krananum. Happy ending every time. En heppíust var ég auðvitað að sleppa við þetta chore Þetta er líklega svipað og að vinna við uppistand eða álíka. Alltaf sama rútínan, það verður þreytt. Þess vegna hef ég ekki gert þetta lengi. Maður verður þreyttur.. og þetta er hörku vinna! Að halda svona beinar lýsingar og finna upp á einhverju sem þeir gera af sér þarna. Ef maður hinsvegar stendur sig vel, er þetta vel þess virði í hlátri og ljómandi augum. Dettur mér í hug... í kvöld gæti amma þeirra bræðra verið í heimsókn. Baktería. Hún er nú alveg stórfurðuleg! Já.. ég gæti haft gaman af því.. Nr. 5 | posted by: anna | 6.07.2004 | 15:23:44 | [+] |
|
