 |
|
|
|
 |
Non Je Ne Regrette Rien
Mánudagur, 17. maí 2004
Ég hefði viljað ganga heim, því þegar leikhúsið var búið byrjaði að rigna. Það er frekar hlýtt úti, meira að segja á minn mælikvarða og ef það er eitthvað sem ég elska þá er það svona rigning eins og var í kvöld. Stórir þungir dropar. Byljandi rigning þannig að maður verður blautur inn að beini. Það er hinsvegar magnað hvað tónlist grætir mig. Í hléinu: Anna: Ég græt svo mikið þegar hún syngur. Við verðum glæsilegar saman í ellinni ef þetta er forsmekkurinn. Þetta var skemmtileg sýning og aðalleikonan söng þetta svakalega vel. Þegar ég kom heim og var búin að leggja bílnum hljóp Jóhanna inn en ég stóð í andartak við bílinn, horfði til himins og naut þess að baða mig í regninu. Svo rölti ég af stað inn, þrátt fyrir að mig langaði miklu frekar bara að ganga um hverfið í smá stund og finna regnið allt í kringum mig og ilminn af gróðrinum. Ég ætti stundum að gera það sem mig langar til. Ég ætti í rauninni að gera það mikið oftar. Ég var að skoða líflínuna mína áðan í lófanum á mér og það er svo skrítið að á einum stað verður hún að tveimur samhliða línum og svo heldur seinni línan áfram mjög greinilega en hin dofnar út og deyr. Í heildar samhenginu, þá meikar þetta loksins sense. Ég tók hinsvegar eftir þessu sem krakki. Fannst þetta alltaf skrítið. Augljóst að ég myndi ekki drepast.. en að það yrði meiriháttar breytingar. Ef eitthvað er að marka líflínuna þá er smooth sailing ahead. Það er vert að minnast þess.. að ég á ekki von á neinu öðru en analísu frá Igori hvað þetta varðar. Hvað Jude varðar.. þá ætla ég að láta lesendur mína ákveða hvort hann er inni eða úti. Vilji þið meira um ævintýri mín og Jude? Eigum við séns í þessum firrta heimi? Kjósið um það á forsíðu. | anna | 0:08 |
comments
Svona beljandi rigning eins og þú lýsir er betri en nokkur geðlyf. Ég fæ hana allt of sjaldan. Nr. 2 | posted by: organistinn | 17.05.2004 | 9:55:17 | [+] |svona rigning minnir mig á útlönd. mér finnst gaman í útlöndum. þess vegna held ég að stór og þung rigning sé falleg í mínum huga. Þið Júlía verðið eins og persónur í leikriti eftir Harold Pinter - talið gjörsamlega í kross. Það er alltaf gott að eiga einn svona góðan feedback félaga í ellinni. Hvor ykkar heldurðu að verði með blátt hár? Hins vegar... ef þú sæir þér fært að fantasera dulítið með Harvey Keitel í aðalhutverki, þá væri ég þakklát. Held ég, allavega, ef þú gerir það vel. (Hafðu myndina Piano í huga, if you will) Atviksorða-Anna: Hvað Keitel, þá er ég way ahead of you http://www.anna.is/weblog/arc/002079.html en var ekki með piano í huga. Annars gætirðu líka skipt Jude út fyrir Keitel. Er með svipaða týpu í huga hvort sem er... og þennan í Piano myndinni. Bara vil annað útlit Já.. ég verð örugglega með blátt hár. Ekki spurning. Er byrjuð að grána og sé fyrir mér að blátt með silfruðu geti komið rosalega vel út. En samt sem áður þá er Júlía með töluvert ljósara hár en ég og mér finnst blátt alltaf fara ljóshærðu fólki betur. Ég stóla á að tala við hana Júlíu í kross í ellinni, enda sést að við erum byrjaðar á stífum æfingum nú þegar. Nr. 10 | posted by: anna | 17.05.2004 | 13:00:08 | [+] |Ætli hún Júlía okkar verði ekki lokuð inni nokkru á eftir okkur Anna mín! Verðum við ekki alsælar saman með New York púslið og blessaðar minningarnar um Jude og Neil?
|
