 |
|
|
|
 |
Erfiður dagur
Fimmtudagur, 06. maí 2004
Þetta var nú ljóti dagurinn framanaf. Eyddi morgninum í að redda vegabréfaumsóknunum fyrir mig og krakkana. Var búin að taka myndir af krökkunum og mér.. nema ég þurfti að prenta þetta út hjá mömmu og pappírinn kláraðist áður en ég var búin að prenta mig út. Það var ekkert annað að gera en að fara í Kringluna og taka mynd af mér í kassanum. Gerði það og fékk mynd dauðans, sem verður í vegabréfinu mínu. Sé fram á að vera sett í full body search á öllum viðkomustöðum hér eftir sem líklegur dóp/byssu/kjarnorku smyglari. Vissi ekki að ég liti svona krimmalega út. By-gons. Afneitun rúlar. Martröð dagsins var samt óneitanlega ferð mín í Bónus. Ég þoli ekki að versla í matinn. Sérstaklega ekki þegar ég hef ekki gert það lengi og ekkert er til. Kláraði í morgun síðasta klósettpappírinn, síðustu slummuna úr handsápupumpudraslinu, síðustu farðadropana yfir bólurnar sem eru á undanhaldi síðan síðast, síðustu brauðskorpuna í morgunmat, síðustu löggina af mjólk út á corn flakes-ið hans Dodda o.s.frv. Ef ég væri hagsýn húsmóðir myndi ég nota tækifærið og þrífa skápana því þeir eru allir tómir. Já.. nei ég tæmdi þá alla þegar ég var að leita um daginn.. Ég hef verið allt of upptekin við að læra og rusla til í íbúðinni til að kaupa mat. Má ekki vera að þessu. Ég er samt ekki frá því að börnin manns læri að meta lífið betur þegar þau eru svelt svona í nokkra daga. Þegar ég setti lýsi í körfuna heyrðist í Dodda: "Vá... lýsi.. gaman". Æi ég er andlaus og lömuð og slyttisleg og þreytt. Og þegar ég lít í kringum mig verð ég ennþá þreyttari. Mig langar í bíó. Getur ekki einhver góðhjartaður einstaklingur boðið mér í bíó? Ég er ekki að meika að vera heima hjá mér í þessu rusli öllu saman. Mig vantar húsjálp, kokk, einkaþjálfara, næringarsérfræðing, nuddkonu, stílista, stærðfræðikennara, sálfræðing, bílstjóra og garðyrkjumann. Það má alveg fylgja herragarður með. Best að kíkja á smáauglýsingarnar undir "gefins"... | anna | 19:29 |
comments
Ég er góður kokkur, veit ýmislegt um næringu eftir síðustu hremmingar, nuddari, stærðfræðikennari og bílstjóri. Ég er ekki góð húshjálp, einkaþjálfari stílisti eða sálfræðingur, ja og þó ég kann að hlusta. Því miður er lagerstaðan á herragörðum frekar lág þessa stundina, en ég vonast til að fá nýja sendingu fljótlega. Anna stökktu á þetta boð. Svona tilboð koma ekki á hverjum degi. Hann getur örugglega orðið sér út um Herragarð um leið og nýja sendingin berst. En er nokkur þörf fyrir garðyrkjumann uppi á 3ju hæð? Nr. 3 | posted by: edda | 6.05.2004 | 20:40:44 | [+] |"Vá...lýsi...gaman". Snilld Ég hefði nú alveg verið til í að fara í bíó líka. Ansi langt síðan maður fór síðast. Ég fékk oft svona hugdettur rétt fyrir ellefu að fara í bíó. Eftir að þeir færðu þetta til tíu þá er klukkan alltaf orðin of margt þegar hugdettan kemur. Slæmt. Nr. 7 | posted by: igor | 6.05.2004 | 23:35:28 | [+] |Ég get ekki skilið börnin mín eftir ein heima sofandi. Það gerir maður ekki. Ekki einu sinni fyrir AbFab! Ég hef einmitt lennt í þessu sama Igor. Manni dettur þetta í hug 10 mín yfir 10 og er of seinn. Við erum á röngum bíótíma. Við erum af gamla skólanum. Nr. 8 | posted by: anna | 7.05.2004 | 0:10:41 | [+] |Einmitt. Nr. 9 | posted by: igor | 7.05.2004 | 0:21:27 | [+] |Vona að þú náir þér. Ég er ekki jafn viss um að ég nái mér í bráð. Ég var nefnilega að lesa grein í Time um daginn. Að vera númer 101. Verst er að vera í þessari óvissu. Vita í raun ekki hvort maður var númer 101 eða kannski númer 143.643. Eða kannski númer 1 milljarður. Það er þessi óvissa sem er að naga mig. Málið er ýmsir listar sem fjölmiðlar eru að setja upp. T.d. 100 fallegustu, 100 ríkustu, 100 áhrifamestu o.s.frv. Erfiðið fellst í því að vita ekki hvort maður lenti kannski í sæti 101. Væri næsti maður inn en þar sem maður veit það ekki þá getur maður ekki gert neitt í málinu. T.d. ef ég væri númer 101 á listanum yfir fallegasta fólkið þá myndi ég kannski fara einu sinni til viðbótar á viku í ræktina. Myndi kannski fara fyrr að sofa. En þar sem ég gæti alveg eins vera númer milljarður þá kannski er viðbótar erfiðið ekki þess virði. Þetta er erfitt. Nr. 10 | posted by: igor | 7.05.2004 | 8:51:24 | [+] |Takk fyrir þetta. Það er það mikil huggun að ég er hættur að gráta. Nr. 12 | posted by: igor | 7.05.2004 | 9:33:03 | [+] |Fínt verð á herragörðum, en ef þú villt fá þvottekta höll verðurðu að bregðast mjög snöggt við. Þú hefur nákvæmlega viku til að höstla Frederik áður en hann giftist Mary. Þarf maður vegabréf til Spánar? Nr. 15 | posted by: igor | 8.05.2004 | 1:35:28 | [+] |Sniðug. Nr. 17 | posted by: igor | 8.05.2004 | 10:39:06 | [+] |
|
