 |
|
|
|
 |
Þegar allt er í fokki
Mánudagur, 10. maí 2004
Í dag hringdi kona í mig í vinnuna út af máli sem fór mjög illa út af mistökum annars fyrirtækis og hennar fyrirtæki er að hljóta mikinn skaða af. Hún var í miklu uppnámi og eins og gerist stundum þegar ég tala við fólk fór hún að segja mér upp og ofan af almennum vandræðum sínum. Stundum er eins og það sé sama hvað maður gerir, ekkert virkar, allt fer í klessu og manni finnst lífið svo erfitt og ósanngjarnt að mann langar mest til að sitja út í horni og stara út í næsta vegg. Þá gerist allavega ekkert hræðilegt á meðan. Þessari konu líður svona. Hún er í óhappa hringiðu sem virðist engan enda ætla að taka hjá henni. Hún skildi ekki af hverju svona hlutir kæmu fyrir sig, fannst hún ekki eiga skilið að upplifa endalaus áföll. Ég sagði henni að hætta að hafa áhyggjur og halda ótrauð áfram. Það sem gerist í kjölfarið er að óhappa hringiðan hverfur einn daginn og hlutirnir fara að ganga eins og í sögu. En maður má ekki gefast upp og maður verður að hafa trú á því að þetta taki enda einn daginn. Í lokin vorum við farnar að skellihlæja saman í símanum og ég held að henni hafi liðið betur þrátt fyrir að ég gæti ekkert gert í málinu sem hún hringdi upphaflega út af. Ekki það. Ég skil hana alveg rosalega vel. Ég hef verið í svona hringiðu. Eins og allt sem maður gerir sé dæmt til að mistakast, ár eftir ár eftir ár. Hvert áfallið rekur annað og maður veltir því fyrir sér hvort maður hafi virkilega verið svona vondur í fyrra lífi. Trikkið er að hang in there og finna björtu hliðarnar, eða fyndnu hliðarnar. Allt það sem gerir lífið aðeins skárra á meðan hlutirnir eru að af-fokkast smám saman. Og já.. augljóslega las ég Pollýönnu sem krakki... | anna | 15:45 |
comments
Gæti ekki hugsað mér lífið án Pollýönnu, það klikkar aldrei að bregða henni fyrir sig. Beggi er lífsglaður maður, það skín alveg í gegn. Svo er hann líka svo mikill nörd að hann hefur ekki hugsun á því að láta sér leiðast eða fyllast fýlu, það skín líka í gegn. Ég las Pollýönnu en er lítið inni í alkafræðum. Þar fyrir utan erum við Beggi eiginlega alveg eins, svo sem margoft hefur komið fram á síðunni hans. Lifi nördarnir! PS - Les þig daglega Anna, ómissandi! Þórlaug: Alveg sammála. Les hana alltaf á nokkurra ára fresti. Beggi: Ég vissi nú þetta um þig. Þú ættir samt að lesa Pollýönnu hehehe Atviksorða-Anna: Vertekki svona vond við hann Begga. Engin er verri þótt hann sé nörd. Segi ég og lít snöggt á Vanilla Sky merkið á bolnum mínum... Gunna: Pollýanna er líka alveg nóg og já! Lifi nördarnir! Það segi ég með þér. Nördar eru gott fólk og án þeirra væri lífið bara hreint út sagt leiðinlegt. Það skal engin segja mér að það hafi verið eitthvað annað en nörd sem fann upp Internetið Maja: Ég lærði allt of mikið af Línu og er ennþá að reyna að af-læra það. Má ekki borða svona mikið af pönnukökum og ég verð að hætta að teyma heim til mín hesta og apa. Svo þarf ég líka að kaupa lás á fjársjóðskistuna áður en ég verð gjaldþrota!!! Ef ég hefði aldrei lesið né séð Pollyönnumyndir þá hefði ég aldrei gengið með eitt einasta barn! Það er einmitt Pollyönnuhugsunarhátturinn sem hefur fleytt mér gegnum þrautarfullar meðgöngurnar þrár og raunar gegnum allt lífið. Ég komst að því mjög ung að jákvætt hugarfar, bjartsýni og hægilegt magn af kæruleysi er góð blanda sem er grunnurinn að miklum lífsgæðum. Pollyanna er ekki manneskja sem ýtir hlutunum á undan sér og gerir lítið úr þeim eða reynir að láta sem þeir hafi ekki gerst, heldur reynir hún að finna jákvæðu hliðarnar á því sem gerist í lífi hennar. nörd eru nauðsyn
|
