 |
|
|
|
 |
Ég og RÚV
Föstudagur, 30. apríl 2004
Einu sinni ætlaði mamma að cash in á ótakmörkuðum hæfileikum mínum og láta mig syngja inn á plötu. Ég var hvort sem er alltaf syngjandi sagði hún. Það var alveg rétt.. en svipað og með bloggið mitt.. þá datt mér ekki í hug að nokkur væri að hlusta. Hún fór með mig í stúdíó. Ég man ekki hvað ég var gömul en ég var mjög lítil. Þegar þangað var komið stóð ég eins og stytta, með krosslagðar hendur, og sagði ekki eitt einasta orð. Bókstaflega herpti saman varirnar. Ætlaði ekki inn í hljóðeinangraða herbergið. Man eftir gömlum kalli (30) sem var að reyna að fá mig til að fara þangað inn. Hann reyndi allt en ég gaf mig ekki. Ég er rosalega fegin því að ég neitaði að syngja inn á plötu. Ég held að það sé óhollt fyrir börn að fá of mikla athygli. Ég hef verið spurð að því af hverju ég láti ekki Dodda leika í auglýsingum því hann er svo sætur. Málið er.. ég vil ekkert að hann haldi að hann sé ekkert nema bara sætur. Ef hann vill verða auglýsingaleikari þegar hann er orðin stór, þá má hann það mín vegna. Ég er hinsvegar að vona að hann fái athygli út á annað og meira en útlitið þegar hann verður fullorðin. Útlitið er jú ekki allt. Þetta var smá útúrdúr. Mamma var ekki af baki dottin og eftir rigningarsumar á Laugavarvatni í sumarbústað hafði ég skrifað sögu. Ég man ekki um hvað sagan var, eitthvað um könguló. Augljóst að ég hef frá blautu barnsbeini skrifað mikið um lítið. Mömmu fannst sagan svo góð að hún hafði samband við barnatímann á RÚV og vildi endilega að ég færi og læsi söguna í barnatímanum. Ég verð að taka það fram að mamma vann hjá Sjónvarpinu á þessum tíma og ég held að hún hafi nú ekkert ætlað að gera mér illt með þessum manúveringum sínum. Ég fór í stúdíó, las söguna hikandi og skjálfandi á beinunum... sem sagt skelfilega illa og þegar kom að því að velja lög.. þá fékk ég bara að velja íslensk lög. Það er bara ekkert eins glatað til í heiminum þegar maður er TÓLF ÁRA OG VEIT AÐ BEKKURINN ER AÐ HLUSTA! Ég man ekki hvort ég sagði frá þessu sjálf en einvernvegin vissi bekkurinn af þessu. Held reyndar að mjög fáir hafi actually heyrt þetta þegar öllu var á botnin hvolft. Sem betur fer. Nú bætist eitt ár við hjá sálfræðingnum. Ég var búin að steingleyma þessu áfalli, með íslensku lögin. Þetta útskýrir af hverju ég pissa í mig og sýg puttann í hvert sinn sem ég heyri "Á skíðum skemmti ég mér". En ég skildi í raun alveg að maður mætti bara velja Íslensk lög. Held að barnatíminn hafi verið fyrir mjög litla krakka. Skildi vel að þau ættu ekki að vera að hlusta á "graðhestarokk" eins og Wham og Duran Duran. By-gons. Ég var hinsvegar að fá spennandi tilboð í morgun. Ég lít á það sem heiður og finnst það alveg hrikalega skemmtilegt. Ég er ekki einu sinni smeyk við hljóðeinangraða herbergið. Not one bit. Það er eins og ég hafi alltaf vitað.. innst inni.. að mín biði bólstrað herbergi down the line. | anna | 11:07 |
comments
WHAT nú er ég að deyja úr forvitni Halló!!! jæts, maður fær bara hroll! Sæluhroll sko Já. Ef ég man rétt þá ætlaðir þú að vera umboðsmaðurinn minn.. hehehe við vorum glæsilegar! En ég er ekki að fara að syngja. Nema kannski á næsta karíókí bar. EDDA! Hvenær kemurðu með mér í karókí? Oh.. mig vantar svo að þekkja fleiri lúða eins og mig sem finnst gaman að syngja í karókí.... Nr. 6 | posted by: anna | 30.04.2004 | 14:16:13 | [+] |Já ég var nú búin að átta mig á þessu með sönginn enda komin til ára þinna hvað það varðar (var ekki Nr. 9 | posted by: edda | 30.04.2004 | 17:17:36 | [+] |Má maður giska? Er verið að ráða þig til að sjá um óskalög sjúklinga? Nr. 12 | posted by: organistinn | 1.05.2004 | 9:05:15 | [+] |Ég á bæði óskalög sjúklinga og óskalög sjómanna á CD og hlusta oft á þetta fyrir nostalgíu áhrifin. Þú værir reyndar mjög vel hæf í bæði störfin. Þetta yrði sparnaður fyrir heilbrigðiskerfið því fólki myndi batna fyrr. Svo væri nú ekki slæmt að vera aðalviðfangsefni hugaróra íslenskra sjómanna. Í fyllstu alvöru, eru þessir þættir hættir? Nr. 14 | posted by: organistinn | 1.05.2004 | 9:37:58 | [+] |Hva! Ertu að segja mér að ég sé ekki aðalviðfangsefni hugaróra íslenskra sjómanna nú þegar? hehehe Ég veit satt að segja ekki hvort þessir þættir eru ennþá til. Veit það einhver? Ég er hvorki sjúklingur né sjómaður. Var að spá í að fara á sjóinn seint á unglingsárunum því mig vantaði pening svo ég tékkaði á möguleikunum. Þegar mér var sagt að það væri þannig að allt færi í loft upp á dallinum þegar stelpa væri um borð og það kæmist ekki ró á.. fyrr en hún væri byrjuð að sofa hjá einhverjum af áhöfninni.. þá hætti ég við. Ég tók ekki sénsinn á því að þetta væri bullshit og ég þurfti ekki svo mikið á peningum að halda. Auk þess fer það mér svo mikið betur að vera með headset og lakkaðar neglur. Samt.. sjálflýsandi pollagalli fer mér nú ágætlega líka... Nr. 15 | posted by: anna | 1.05.2004 | 9:57:11 | [+] |Til hamingju. Nr. 16 | posted by: igor | 2.05.2004 | 14:25:36 | [+] |
|
Þetta verður voða gaman en ég segi ekki orð meira. Ég kann nú meira fyrir mér í markaðsfræði að ég fari að gefa allt plottið frá mér í fyrstu færslu.
