 |
|
|
|
 |
Illu aflokið
Fimmtudagur, 11. mars 2004
Doddi fór í aðgerð hjá eyrnalækninum sínum í dag. Hann fékk ekki tíma fyrr en klukkan tólf svo hann fastaði alveg fyrir hádegi. Ég fastaði með honum. Hann stóð sig eins og hetja þegar við komum til læknisins. Svæfingar grímann var sett yfir vitin á honum og hann bara sofnaði. Hvað ég var fegin. Síðast grét hann þvílík ósköp og reyndi að slíta af sér grímuna. Maður finnur svo til með litlu ljósálfunum sínum þegar þeir eru hræddir eða líður illa. Þegar hann vaknaði eftir aðgerðina sagðist hann vera ringlaður og með lyktina af svæfingarmeðalinu ennþá upp í heila. Hún var rokin úr heilanum á honum þegar við vorum hálfnuð heim. Þegar við komum heim bókstaflega réðumst við á ísskápinn og úðuðum í okkur mat enda hafði hvorugt okkað borðað síðan klukkan átta kvöldið áður! Mikið hrikalega var gott að úða svona í sig. Alveg sama þótt mér hafi verið illt í maganum í þrjá klukkutíma á eftir. Doddi fékk að leigja sér mynd því það er regla hjá mér að maður dekrar við veik börn og lætur allt eftir þeim. Innan skynsamlegra marka auðvitað. Doddi horfði á Pókemon og ég horfði á Pirates Of The Caribbean, enn eina ferðina. Ég er komin með Jack á heilann. Sést best á nýja galleríinu sem ég er að setja saman. Annars er ég að drepast í handleggjunum núna. Get ekki haldið símtóli upp að eyranu á mér svo ekkert vera að hringja í mig. Auk þess er ég upptekin við að vorkenna Dodda og horfa á Jack Sparrow í sló mó. | anna | 17:20 |
comments
Gott að gekk vel. Þú verður að kyssa veikan frændann frá mér! Ohh, angakarlinn. Ég á sjálf dreng sem hefur þurft að fara svona 1000x í eyrnaaðgerð (allavega 7 og þær eru sko orðnar fleiri en aldursárin) og ég fæ tár í augun í hvert skipti og grímunni er skellt á hann, þó hann standi sig alltaf eins og hetja.. enda er hann hetja! Ég þurfti bara sjálf að fara í margar svona aðgerðir þegar ég var barn og þetta var mín helsta martröð langt frameftir aldri. Hann er krónískt eyrnaveikisbarn og er hættur að þora að segja mér til ef hann verkjar í eyrun af hræðslu við "grímuna". Þetta er virkilegt problem og ég bara spyr... af hverju er ekki hægt að nota annað en þessar helv... grímur??? Baráttu- og hetjukveðjur, Gefjun. Nr. 2 | posted by: Gefjun | 11.03.2004 | 22:18:16 | [+] |Frænka mín á strák sem læknaðist ekki af eyrnabólgu fyrr en þau hjónin fóru með hann á einhverja sólarströnd. Eftir tvær vikur náði allt dótið að þorna upp og hefur ekkert bólgnað síðan. Sem sagt skellið ykkur bara til Karabíska hafsins þangað til barninu batnar ef þetta hættir ekki... Nr. 3 | posted by: Þór | 15.03.2004 | 14:17:45 | [+] |ps Jack er mikill töffari og væntanlega vita allir að Depp sótti karakterinn til ekki ómerkari manns en Keith Richards, ójá.
|
