Mín kæra! Ég hef sennilega aldrei skilið þig jafnvel og akkúrat núna. Það vill þannig til að ég hitti þennan náttúrurisa og fyrrum bekkjarfélaga mjög reglulega þar sem hann er verðandi tengdarfaðir millistykkisins (miðdótturinnar). Oftar en ekki er ég meira að segja skólaus þegar við hittumst - nei nei ekkert dörti - bara á sokkunum að sækja börnin inn á deild í leikskólanum. Því miður er hann ekki sá eini sem veitir mér þessa óöryggissmæðartilfinningu (nýtt orð), en eins og þú mannst kannski þá er er ég nokkrum millimetrum lægri en þú og frumburðurinn er 50 millimetrum hærri en ég. Háir hælar eru Guðsgjöf og ættu samkvæmt lögum að vera mun þægilegri að ganga á.
ps. eiginkona umrædds bekkjarfélaga er engin risi.
Slepptu öllu þessu paranoiu kjaftæði og hugsaðu um mig og minn mann sem er hærri en þinn..........

Já.. nei paranoian var vegna þess að húsið var að hrynja. Í millitíðinni fór ég að keyra Jóhönnu í myndlist og afstýrði hvorki meira né minna en fjórum árekstrum með því að nauðhemla þegar ökumenn voru að bakka á mig eða hreinlega bara klessa beint framaná bílinn.

Þetta er svona one of these days.

Til að kóróna þetta þá kom hingað maður að gera við ísskápinn í vinnunni. Hann kom vopnaður logsuðutæki og gasi og þar sem dagurinn er búinn að vera skuggalegur pissaði ég næstum því í mig úr hræðslu þegar hann fór að munda þessi tól sín og tæki.

Hann er ennþá hér svo ef þetta er það síðasta sem ég skrifa þá vil ég að loka orð mín á þessari jörð verði:

WHY?

Æi ræbbli sinn.
Veistu, það ert ekki bara þú sem hefur haft þessa "blues" tilfinningu undanfarið. Ég hef alveg þurft að draga mig áfram undanfarið, bara til að klára það sem til af mér er ætlast. Ég orka varla að gera neitt umfram það. En ég hef komist að því hvað það er.. allavega með mig. Yfirleitt hefur maður eitthvað til að hlakka til, eftir jól var það að sjá loksins dagsljós lengur en í eina klst. yfir daginn, svo þegar fór að birta fannst mér samt ekkert lagast, og búið að vera svo óendanlega langt í páskafrí. En veistu, það er að koma páskafrí með súkkulaði og öllu klabbinu og rétt eftir það kemur sumarið í öllu sínu veldi. Það birtir til, ég sé það, sjáðu bara... það birtir til!!!!

Ég held þú sért bara svöng Anna mín... og orkulaus þess vegna. Fáðu þér um helgina ærlegan matarbita án þess að kveljast af samviskubiti. Farðu svo í hressilegan göngutúr meðfram sjónum... klæddu þig bara eftir veðri... og gerðu það fyrir mig, slepptu helvítis líkamsræktarstöðinni, því steríla bákni! Njóttu lífsins!

Æi.. mér líður nú aðeins betur núna, enda búin að fara í bað

Flott síða Anna. Átt þú svona?

nei, datt bara í hug að þetta væri eitthvað fyrir þig. Sjálf er ég svo paranoid að ég þori ekki að kaupa af netinu - hvað ef einhver kæmist nú yfir krítarkortsnúmerið mitt??

Þá notar þú bara paypal

Dísesss!!!
Nú er ég annað hvort hætt að drekka eða hætt að skrifa og tala og allt þegar ég er í glasi. Ég er með gubbuna alveg yfir kommentinu hjá mér á föstudagskvöldið, gæti þetta verið öllu væmnara? Nei ekki einu sinni þótt Kate Winslet hefði sagt þetta í Titanic um það leyti sem Leonardo var að sökkva frosinn á sjávarbotn, undir lok myndarinnar. Lofa, aaaldrei aftur komment í glasi.

...veit samt ekki hvað ég er að fyrirgefa. Ég er kannski svona hrikalega vemmileg sjálf og það edrú því ég sé bara ekkert að þessu kommenti Gefjun!

Mér finnst þetta bara hughreystandi.

Hva.. ekkert að þessu kommenti Gefjun. Ég hef séð væmnari komment. Þetta er bara fínt og eins og Anna segir þá eru hroka og ofbeldiskomment heldur leiðinlegri en svona næs komment
Og Anna kommon ég trúi því ekki að þú sért ekki búin að fara á kommentafillerí síðan í júlí fyrir nærri ári síðan Þú ert nú meiri engillinn
Það þyrfti að senda þig í sveit