 |
|
|
|
 |
Plants and pirates
Sunnudagur, 01. febrúar 2004
Fyrst ég var að setja gróðurhúsið upp aftur gróðursetti ég ýmis önnur fræ. Burkna eins og amma mín átti og fullt af kryddjurtum. Annars sá ég loksins sjóræningjamyndina um svörtu perluna í gær og ég skil vel af hverju Johnny Depp er tilnefndur til Óskarsverðlauna. Hann er alveg frábær í þessari mynd. Tóti fór í vinnuna í morgun. Hann var í vinnunni í gær til klukkan átta í gærkvöldi. Áður en ég veit af verður hann trúlofaður einhverri samstarfskonunni sinni því það er eini sénsinn sem hann á ef hann ætlar að halda sambandi gangandi, nema hann fari að komast á msn aftur. Þá gæti hann hitt mig og krakkana þar once in a while... Verst er að hann tók sjóræningamyndina með sér til að skila henni en ég ætlaði að láta hana rúlla aftur í dag mér til ánægju og yndisauka.... On the bright side... þá er verið að vinna í sjóræningamynd nr 2 sem á að koma 2005, starring Johnny Depp as Captain Jack Sparrow! | anna | 12:56 |
comments
Sæl frænka Anna mín; þú verður að athuga að Tóti vinnur á Fréttablaðinu sem er ekki neinn venjulegur vinnustaður og alls ekki fyrir venjulegt fólk að vinna þar enda Tóti ekki enitt venjulegur maður frekar en ég og aðrir sem þar vinna.
|
Í þetta sinn ætla ég að rækta passion flower. Ég sá þessa plöntu í heimahúsi í vetur og finnst hún alveg rosalega falleg. Ég féll ekki fyrir blóminu heldur gripörmunum á stilkunum eins og myndin hér til hliðar sýnir, þar sem griparmurinn hefur gripið í sjálfan sig. Þetta er klifurplanta eins og Hoyan og vex víst eins og illgresi. Það finnst mér gott.
