Anna:

Þýðir "að elska" ennþá "að elska" á Íslandi? Er það virkilega þannig? Hér er auðvitað langt síðan "að elska" hætti að þýða "að elska". Íslendingar í BNA hafa stundum flaskað á þessu með slæmum afleiðingum.

Sumir mörlandar halda líka að "how are you?" þýði "how are you?". Það er ekki rétt; "how are you?" þýðir "hæ!".

kveðjur og long tæm nó sí.

Ja sko.. ég veit það ekki. Ef tekið er mið af þessari hallæris auglýsingu frá Volkswagen... þá þýðir "að elska" ekki "að elska" lengur.

Auðvitað þýðir "how are you?" ekki í alvöru "how are you?". Ekkert frekar en "Hæ, hvernig hefur þú það?" þýðir "hvernig hefur þú það?". Default svarið við þessu er: "Hæ bara fínt, en þú?" og þá fær maður "bara allt fínt" til baka og allir eru sáttir.

Langur tími engin sjór. Hvar hefurðu annars verið? Í híði?

Ég veit ekki hvar ég hef verið. Kannski er ég bara létt manískur-depressívur þannig að ég kem og fer til skiptis.

Og til að halda þessum pælingum áfram, og í tilefni þess að það er byrjað að sýna Lost in Translation (ertu búin að sjá hana?) , þá þýðir "we need to get together sometimes" ekki "we need to get together sometimes". Á amerísku þýðir "we need to get together sometimes" "you are ok" eða "I like you". Og þar reyndar merkir "like" ekki endilega "like", amk ekki í strangri merkingu þess orðs.

Þetta veist þú allt enda ert þú svo vel verseruð í amerískri menningu. En stundum er þetta lost in translation og Íslendingar draga þá ályktun að ameríkanar séu superficial, sem er auðvitað fádæma vitlaust.

af hverju þarf fólk að segja fiskibollur fyrst það getur sagt fiskréttir? Af hverju kallar hryllings idjóðurinn sig Fiskikónginn en ekki fiskkónginn? Í titli nýútkominnar matreiðslubókar er að finna báðar útgáfur af fisk-/fiski- forskeytinu, ég man bara ekki hvernig það hljómar, man bara að þetta virkar ferlega hallærislegt. Sérstaklega frá manni sem er nýbúinn að vera Á Tali Hjá Gísla Marteini fyrir það hve hann er í meðaltalsgáfaðri hljómsveit.

Þessar hugleiðingar mínar eru gamlar, enda mikil áhugamanneskja um bæði fisk og íslensku. Þessar hugleiðingar voru triggeraðar af tali þínu um baðvogfælni - baðvogarfælni fellur mér betur. But that´s just me

Fyrir okkur sem sjáum ekki sjónvarp, hver er "idjóðurinn"?

idjóðurinn er fisksali hér á landi á. Hann er sá fyrsti og eini hingað til sem hefur auglýst í sjónvarpi og birtist þá í gervi hins massavitlausa fiskvinnsluunglings (sem einu sinni byggði vort land að mestu, en nú er svo gott sem útdauð stétt).

Ég á von á því að "múhohoho"-hlátur Önnu sé fenginn að láni úr téðri auglýsingaherferð.