 |
|
|
|
 |
So what else is new?
Laugardagur, 17. janúar 2004
Kalli B vann.. kom ekki á óvart.. Jón var í öðru sæti.. kom ekki á óvart... það sem kom á óvart var að Anna Katrín væri ennþá að missa röddina. Annars fannst mér þau öll taka asnaleg lög í kvöld. Anna Katrín tók Imagine og mér fannst það ekki "fara henni" vel. Kalli tók Mustang Sally.. þegar ég var að vona að hann tæki "Try A Little Tenderness" úr sömu mynd. Munurinn á þessum tveimur lögum er gífulegur. Mustang sally er sama stefið út í gegn en Tenderness hefur stíganda sem hefði boðið upp á brilliant finale hjá Kalla því ég efast ekki um að hann geti valdið því. Hann hefði unnið með 75% atkvæða hefði hann tekið það lag vel, auk þess.. hann hefur sungið Mustang Sally áður í söngvakeppni og lenti í 2. sæti. Jón tók Words með Gibb bræðrum. OK.. ég er alfarið á móti því að fólk reyni að taka GibbaGibb bræður því það er nánast ógerningur. Jón komst þokkalega frá sínu en af þessum þremur finnst mér hann lakasti söngvarinn. Það skiptir svosem ekki máli á tímum emplifæera og mixera. Sjáið bara Rick Ashley! Anna Katrín var glæsileg í kvöld, Kalli B var flottur í jakkanum ógurlega en Jón var lúðalegur og leit út fyrir að vera á leiðinni í útilegu. Maður skyldi ekki gera grín af gardínum sem eru endurunnar sem fatnaður. Ég hef t.d. sjálf saumað mér brjálaðan kjól úr gardínum sem ég fann í kassa hjá fyrrverandi vinnuveitanda mínum og ég var tvisvar spurð kvöldið sem ég var í kjólnum hvar ég hefði keypt gripinn. 60's gardínur eiga eftirlíf! Ég gat hinsvegar bara skartað þeim kjól eitt kvöld því hann var svo þröngur að daginn eftir fékk ég mér smá snakk og þá var hann orðin of lítill. Gardínur eru nefnilega oft ekki úr teygjuefni... því miður. Ég og Jóhanna fórum í brjálað Idol partý hjá Júlíu systur, heima hjá mömmu, en þegar Idol var búið lagðist Júlía í pest og af ótta við smit drifum við Jóhanna okkur heim í brjálaðri færð. Komumst á leiðarenda óskaddaðar og ég vona að Júlía lifi nóttina af. Ef hún lifir ekki af á ég hinsvegar upptöku af fjölskyldu-Idol keppninni sem við settum á svið í hverju auglýsingahléi. Já.. og ef hún lifir... then I got her by the balls! MÚHOHOHOHO Annars var ég lang verst í þessari keppni og það var aðallega klæðnaðurinn sem var gjörsamlega appalling! Ég var klædd ullarnærfötum og þykkri peysu. Not my finest hour.. og svo drulla ég yfir Jón.. sem gæti kallast Mr. World miðað við útganginn á mér! Ah... ég var ekki í Smáralind.. í því liggur munurinn. | anna | 1:23 |
comments
Þér er ekki undankomu auðið, þú verður að setja performansinn yfir á MPEG og pósta hérna. Út á hvað gengur þessi Idol keppni annars nákvæmlega? Þremenninga með sadómistískar tilhneygingar að fá útrás á misskildum snillingum? Vettvangur fyrir fólk með sjálfseyðingarhvöt? Ég sá bara bút úr einum af fyrstu þáttunum hérna þar og hef aldrei nennt að horfa á þetta síðan. Furðaði mig á að þetta fólk sem kom fram skyldi ekki fremja hópsjálfsmorð eftir útreiðina. Nr. 1 | posted by: AlanHudson | 17.01.2004 | 3:52:18 | [+] |Þetta gengur út á að geta sameinast um eitt ákveðið umræðuefni á kaffistofunni, það nenna ekki allir að hlusta alltaf á sömu manneskjuna röfla yfir kallinum/kellingunni og verðlagningunni á ormasprautunni fyrir köttinn. Nr. 3 | posted by: Atviksorða-Anna | 17.01.2004 | 16:42:56 | [+] |Það er kattainflúensusprautan... ormalyfið er hægt að fá án lyfseðils í næsta apóteki og kostar ekki mikið! En er bara fyrir ketti/hunda. Ormalyf fyrir menn, konur og börn kosta örlítið meira. Þegar maður, konar eða barn tekur inn ormalyf verða hægðirnar mjúkar og rauðbrúnar. Ef einn í fjölskyldunni fær orma og þarf að fara á ormalyf, þá er mælt með því að allir í fjölskyldunni fari á ormalyf. Algengasti ormurinn er njálgur. Hann er mjög smitandi og berst með handabandi (þó svo að þú hafir ekki skeint þér með höndunum) og af klósettsetu, vaski, krana og öðrum stöðum. Þess vegna er hreinlæti mjög mikilvægt í daglegu lífi og sérstaklega á meðan meðferð stendur. Nr. 4 | posted by: Júlía | 17.01.2004 | 17:47:49 | [+] |Það er langt síðan Vera mín drapst - 1993 held ég bara - blessuð sé minning hennar. Bara búin að gleyma um hvað málið snerist. Takk fyrir að sýna okkur hvað það er auðvelt að smella beint inn í sama gamla umræðufarveginn aftur, Júlía. Lifi ormalifið! Nr. 5 | posted by: Atviksorða-Anna | 17.01.2004 | 18:03:48 | [+] |Já, lifi ormalyfið!
|
