 |
|
|
|
 |
Blessuð blíðan og svona...
Sunnudagur, 25. janúar 2004
Við fórum í dag og keyptum nýja þvottavél. Mikil blessun. Það kom maður á risastórum bíl með hana og hann og Tóti báru gripinn upp á sjöttu hæð, þar sem ég bý. (held ég sé búin að segjast búa á annari hæð, þriðju hæð, fjórðu hæð og fimmtu hæð, maður má ekki vera með gamalt efni..) Afgreiðslumaðurinn hjá Raftækjaverzlun Íslands hf sagði okkur að áður en við gætum byrjað að þvo yrðum við að losa lokið á vélinni, renna því af og losa flutningsfestingarnar. Allt í lagi með það svosem... svo sagði hann að ef við værum bara með kalt vatn yrðum við annaðhvort að kaupa t-stykki á vatnsinntakið hjá sér eða í byggingarvöruverslun. Við áttum t-stykki. Hann sagði okkur hinsvegar ekki að það væri bresk kló á vélinni og að við þyrftum að kaupa nýja kló. Það kom svo í ljós, þegar við vorum búin að fá vélina, að maður hreinlega laug uppí opið geðið á okkur og gaf okkur leiðbeiningar með rangri vél því staðreyndin, skv. enskum leiðbeiningum sem fylgdu vélinni, er sú að maður losar upp festingar aftan á vélinni en ekki undir lokinu. Leiðindar smáatriði sem gæti eyðilagt heilan dag. - Heila þvottavél jafnvel. Við vorum hinsvegar ekkert að láta þetta á okkur fá, enda skiljum við ensku og látum ekki illa þýddar og ljósritaðar leiðbeiningar á íslensku villa fyrir um okkur. Nei.. nú er ég bara hreint út sagt rætin. Þetta eru aðallega innsláttarvillur.. annars ágætlega þýtt. Ég skil samt ekki hvernig hægt er að slá inn mómull í stað bómull.. - Ekki það að ég hafi lesið þetta spjaldana á milli. Ég las ensku leiðbeiningarnar hinsvegar spjaldanna á milli.. enda voru þær fyrir vélina sem ég keypti.. Þetta eru góðar leiðbeiningar, þessar ensku, og það var farið yfir það í fimm skrefum hvernig maður fær svona þvottavél til að virka. Af fimm skrefum loknum var vélin byrjuð að þvo, tóma vél með engri sápu - eins og stóð í leiðbeiningunum - 95° vél. Hljóðið sem þessi vél gefur frá sér er litlu meira en saumavélin mín gefur frá sér, og þá er ég að tala um þegar hún er að vinda. Ég er strax farin að plana drullupolla leiki til að virkilega athuga hvað hún getur. Annars er óhreinn þvottur út um allt. Baðkarið fullt af óhreinu taui og hvaðeina. Til að flýta fyrir fór ég í gegnum hauginn og henti tveimur ruslapokum af taui sem ég, börnin eða Tóti erum hætt að nota. Þetta eru föt sem mæðrastyrksnefnd myndi fúlsa við, það er á hreinu... og ég skil ekki að fólk rétti okkur ekki klink bara svona hversdags þegar ég hugsa um útganginn á okkur! Einn daginn verður draumur minn að veruleika og þá verður haldin landssöfnun fyrir mig til að ég geti keypt mér snekkju og siglt í sólarlagið með kampavín í glasi. Það kemur að því.. Í kvöld sat ég svo við tölvuna og skemmdi heimasíður vina minna eina af annarri. Fór í eitthvað svona kvikindisskap, eins og Láki, og langaði til að gera eitthvað reglulega ljótt. Nei ég lýg. Ég skemmdi bara eina síðu með því að gera mig ekki skiljanlega og mig langaði ekkert til þess. Það kom tár. Nei það kom ekkert tár... held ég sé að ofþorna.. það er ekki til neitt kók hérna.. djöfuls blankheit alltaf... OH! Djöfull brá mér núna! díng-díng-díng-díng-dong "Útvarp reykjavík.. nú verða lesnar fréttir" Mér finnst þetta svo sorglegt stef. Nú langar mig að gráta. | anna | 2:25 |
comments
Hvaða hvaða Anna mín. Ekki gráta. Ég held að afgreiðslufólk hjá Raftækjaverslun Íslands sé sent á námskeið í því að ljúga að viðskiptavinum áður en það hefur störf. Þegar ég átti í stríði við verslunina um árið endaði með því, eftir fimm mánuði og sirka fimmtíu símtöl, að verslunarstjórinn, sem var gjörsamlega orðinn uppiskroppa með allar afsakanir, bauðst til að senda mér mynd af sér í fullri líkamsstærð og kastpílur með svo að ég gæti skeytt skapi mínu á honum. Það var eftir að ég komst að því að varahlutur sem mér hafði verið sagt tveim vikum áður að væri á leið frá Ítalíu í hraðpósti hafði aldrei verið pantaður. Hann sveik þetta náttúrlega eins og annað. Töfraorðið (sem ég hefði auðvitað átt að grípa til miklu fyrr) reyndist vera "Neytendasamtökin". Mundu það ef þú þarft á að halda. Sem ég vona auðvitað að verði ekki. Af því að þú skrifar ágætlega er rétt að benda þér á eftirfarandi möguleika: 1) Íslensku barnabókaverðlaunin Skilafrestur handrita rennur út 1. febrúar 2004! Verðlaunasjóður íslenskra barnabóka heldur enn á ný samkeppni um Íslensku barnabókaverðlaunin. Frestur til að skila inn handriti að barna- eða unglingabók er til 1. febrúar nk. og eru verðlaun fyrir besta handritið 500.000 kr. Skila á útprentuðu handriti að sögu sem þarf að vera a.m.k. 50 bls. og ekki er gert ráð fyrir að verðlaunasagan verði myndskreytt. Handritið á að merkja með dulnefni en rétt nafn höfundar þarf að fylgja með í lokuðu umslagi. Utanáskriftin er: Verðlaunasjóður íslenskra barnabóka Vaka-Helgafell Suðurlandsbraut 12 108 Reykjavík
Hið íslenska glæpafélag og GrandRokk efna til samkeppni um glæpasmásögu. Úrslit verða tilkynnt á menningarhátíð GrandRokk í byrjun júní 2004. Skilafrestur er til 1. maí 2004. 1. verðlaun: 300.000, - kr (helmingur í Viðskiptanetinu) Handriti á að skila undir dulnefni og rétt nafn fylgi með í lokuðu umslagi. Handrit skal sent til GrandRokk, Smiðjustíg 6, 101 Reykjavík. Þriggja manna dómnefnd mun skera úr um hvaða saga verður valin. Óvíst er hvort sögurnar verða gefnar út en stefnt er að því að svo verði GrandRokk áskilur sér kvikmyndarétt að sögunum og verður samið um það við höfunda.. Fyrirspurnir hafa borist – Ef fleiri vakna þá vinsamlegast sendið þær til kkrist@fa.is a) Hversu löng á sagan að vera? Svar: Ákveðið var að hafa ekki nein ákveðin mörk um lengd. Lengd smásagna er sveigjanleg. En ef smásögur eru skoðaðar kemur í ljós að flestar fylgja þær einhverjum mörkum hefðarinnar. b) Hvert á efnið að vera? Svar: Mörk glæpasögu mótast yfirleitt af því að glæpur er framinn og hann leystur. Sumar glæpasögur reyna þó einmitt á þessi mörk. Upplýsingar um Viðskiptanetið: Vinningshafar fá ákveðna upphæð á korti frá Viðskiptanetinu og geta keypt þar ýmsa hluti og þjónustu Nr. 3 | posted by: Refurinn Loki | 25.01.2004 | 15:13:12 | [+] |Jæja var ekki löngu komin tími á nýja þvottavél. Við hér í austasta hluta Kópavogs vorum farin að finna lyktina Ætli ég neyðist þá ekki til að fara með mest allt í Sorpu þar sem megin uppistaðan í pokunum eru rósóttir óléttukjólar og köflóttar smekkbuxur með slaufum. Hitt eru ungbarnaföt í stærðinni 50-56! Ætla bara að tryggja að ef ég verð ófrísk í fjórða sinn þá geti ég dressað mig alveg uppá nýtt hehehhehe hehehe, börnin eru í góðum málum.. það er aðallega ég, sem nenni ekki að fara í tuskubúðir og versla föt á mig. Hvernig er það kona? Notarðu ekki handklæðin í tuskur? Fékk bunch af handklæðum í jólagjöf svo ég þarf ekkert svoleiðis, en ef þú átt góðan slopp, þá var ég að henda mínum
|
