 |
|
|
|
 |
Orðlaus
Fimmtudagur, 25. desember 2003
Ég held ég hafi ekki fengið svona margar fínar jólagjafir í fleiri, fleiri ár og átti svo sannarlega ekki von á þessu, það veit sá sem allt veit og ég var í afmælisveislu hjá í dag. Ég fékk tösku sem inniheldur olíumálningu, pensla, þynni, og fullt af öðru listmálara dóti. Ekki nóg með það.. ég fékk trönur og þrjár stærðir af striga til að mála myndir á. Ástæðan fyrir því að þetta kom mér svona á óvart var að ég les aldrei á pakkana þegar ég set þá undir tréð. Hélt að þessir stóru pakkar væru til barnanna!!! Það var afi Úlfur sem stal senunni við jólatréð í kvöld hvað mig varðar allavega. Málaratrönurnar voru í mjög löngum pakka, augljóslega, og ég var viss um að afi Úlfur hefði keypt annan riffil fyrir Dodda en riffillinn sem hann keypti fyrir Dodda þar síðustu jól er löngu komin undir rúm. Þegar Doddi opnaði pakka frá Grýlu og Leppalúða (aka afi Úlfur) sem innihélt gúmmískot í riffil var ég sannfærð um að það væri annar riffill í langa pakkanum og fór að rýma til undir rúmi í huganum. Að þetta væru málaratrönur hefði mig ekki grunað!
Mamma gaf mér ullarnærföt (sem ég fór í eftir matinn og er ennþá í hahaha) og handklæði. Hún hefur sjálfsagt séð henglana sem við þurrkum okkur á inná baði einhverntíman þegar hún var í heimsókn. Frá tengdapabba og konunni hans fengum við sængurver og frá jólasveininum (aka okkur) fengum við Scrabble, sem við Tóti prófuðum áðan og ég hef trú á að við gætum orðið húkkt á. Sjís.. við fengum svo mikið af gjöfum að það er ekki fyndið. Tóti fékk fyrstu tvær LOTR myndirnar á DVD í special edition útgáfu svo við getum eytt góðum hluta af jólafríinu í að horfa á aukaefnið en já.. krakkarnir... Afi Úlfur stal senunni líka þarna. Gaf Dodda playmó sjóræningjaskipið og við gáfum honum playmó sjóræningjaeyjuna. Ég eyddi svo lunganu af kvöldinu í að pússla þessu dóti saman og krakkarnir léku sér í þessu til klukkan eitt. Þá var Doddi orðin örmagna af þreytu og sofnaði þegar hann lagði sig niður á koddann.
Hrikalega er playmó dótið orðið all svakalega flott annars. Jóhanna fékk LOTR bækurnar á íslensku í einum pakka, Prince of Persia PS2 leik sem mig klæjar í fingurna að fara að spila og margt, margt fleira. Ég gaf nokkrar Galdradúkkur í jólagjöf við góðar undirtektir og finnst frábært að sjá að Galdradúkkurnar sem Þórlaug keypti af mér hafi hitt í mark! Hún lagði líka heilmikla vinnu í að finna uppá skemmtilegum hlutum til að skrifa á þær svo þetta voru persónulegar Galdradúkkur. Ég er hinsvegar að hugsa um að fara úr ullarnærfötunum (rándýrt lúxus dót keypt í Ellingsen) og í náttfötin og upp í rúm. Eh.. kannski að maður kíki á prinsinn af Persíu fyrst krakkarnir eru sofnaðir... MÚHOHOHOHOHO | anna | 1:26 |
comments
Gleðileg jóla mín kæru... Það var gaman að fá ykkur í Þorláksmessu giggið þó Tótann vantaði, hann á enn eftir að taka út íbúðina og testa illy kaffið hérna, það rokkar feitt... Það var aðeins eitt sem ég vonaðist eftir í jólagjöf og það var galdradúkka.... Hún skipar heiðurssess á innbyggðri hillunni frá 1931 og sómir sér vel, og svei mér ef hún er ekki bara að virka (kjafta samt ekkert frá í hvað var stungið...) Heimta heimboð í skrabbl, ég er gjörsamlega húkkt og hér á þessu heimili er mikið skrabblað.... orða notkunin verður mun fjölbreyttari þó það komi ekki fram hér en ég held ég þekki orðið um 6 2 stafa orð yfir ryk..... ekki það að það gefi há skor.... Takk fyrir mig og látið sjá ykkur oft, og þá helst 100% mætingu takk ! Kveðja, Dórinn Nr. 1 | posted by: dorinn | 25.12.2003 | 5:28:08 | [+] |Gleðileg jól sömuleiðis minn kæri. Það var virkilega gaman að koma til þín í heimsókn og gott að heyra að Galdradúkkan virkar, enda er það svosem undir hverjum og einum komið hvort hún virkar eða ekki Ég verð að viðurkenna að þú ert líklega sá eini maður í heiminum sem ég er hrædd við að spila Scrabble við. Þú ert allt of klár í stafarugli en ég mun reyna að komast yfir hræðsluna við að tapa og bjóða þér í Scrabble partý. Áfengislaust partý auðvitað. Takk sömuleiðis fyrir mig og ég lofa 100% mætingu næst! GLEÐILEG JÓL og fullt af knúsum til ykkar allra! Jólapakkaflóðið var ekki minna í ár hjá mér heldur en s.l. ár (sennilega vegna þessa að fjölskyldan stækkaði um einn meðlim nokkrum dögum fyrir jól - alltaf að græða!!!)Nú ástandið virðist svipað hjá mér og þér. Millistykkið 4 ára fékk líka eitt af þessum frábæru nútíma framleiðslu playmói. Örkina hans nóa og sló gjörsamlega í gegn enda voru þær systur í 2-3 tíma að setja þetta saman á aðfangadagskvöld. Svo er ég búin að komast að því að ef maður eignast 3ja barnið nokkrum dögum fyrir jól þá er alveg öruggt að maður þarf ekki að þvo eina einustu flík frá 3-6 mánaða aldurs nema maður sé alveg vitlaus í að nota sömu flíkina oftar en einu sinni. Get sem sagt opnað ungbarnafataverslun með verulegu úrvali - því ótrúlegt en satt kom ekkert eins en megnið keypt í útlöndum svo ég get ekki skipt í stærðum. Húrra fyrir minni þvotti. Scrabble - fengum einmitt eitt svoleiðis hér um árið - sennilega 1994 já og líka frá okkur sjálfum. Frábær gjöf sem auðvelt er að verða húkkt á. Enda var spilað upp í rúmi og alls staðar öll fyrstu jólin. Svo er það reglulega dregið fram og skorað á makann. Við hjónin stöndum nokkuð jöfn í þessum ágæta leik og er alltaf spennandi í lokin að sjá hver vinnur næstu bleiuskipti eða að strauja sængurverin og sokkana! Njótið jólaletinnar vel, en nú ætla ég að reyna að ná næstu 50 síðum í Harry Potter áður en örverpið kallar á spenann..... Nr. 4 | posted by: edda | 26.12.2003 | 14:27:30 | [+] |
|
Ég er ekki oft orðlaus, nema þegar ókunnugt fólk er mjög dónalegt við mig, en núna er ég orðlaus. Sem er auðvitað ekki rétt þar sem ég er að skrifa að ég sé orðlaus.. er þar með ekki orðlaus.. en ég er samt orðlaus.
Tóti gaf mér dásamlega gjöf. 
