Í nótt dreymdi mig ennþá skrítnari draum en í gær. Mig dreymdi að ég, Tóti, afi Jón, Sævar, Maggi hennar Steinu, amma (sem er dáin) og pabbi værum á leið í veiðiferð.

Við fórum á stað, nálægt bænum. Fórum í hraðbát. Amma var með flugustöng. Það furðulega var að hún kastaði fyrir framan bátinn og þótt að báturinn væri á fleygiferð þá hélst línann alltaf fyrir framan bátinn.

Loksins vorum við komin á staðinn sem við ætluðum að veiða á, við óðum útí og köstuðum á víxl. Afi veiddi fyrsta laxinn sem var stór, Sævar veiddi næsta, hann veiddi hann samt eiginlega ekki.. fiskurinn flaðraði upp um hann eins og hvolpur og stökk ofaní háfinn hjá honum. Þegar hingað var komið sá ég að áin sem við vorum að veiða í var ekkert annað en hræ af hestum, hreinn og klár viðbjóður. Við stóðum við lítinn foss (sem var blóð-foss úr hræjunum) og einn af mönnunum, held að það hafi verið pabbi, kallaði á umsjónarmann veiðisvæðisins og spurði hann hvað þetta ætti að þýða. Þá henti umsjónarmaðurinn hræi af belju upp til okkar og við ákváðum að leita að öðrum stað til að veiða á.

[Hvernig getur einhver hent upp fyrir sig hræi af belju???]

Skyndilega er ég stödd á hótelherbergi með Bruce willis og Demi Moore. Þau voru Íslendingar og virtust vera bestu vinir mínir. Þau litu ekkert út eins og Demi Moore og Bruce Willis heldur, en þetta voru samt þau. Við Bruce vorum að bera saman hendurnar á okkur og við vorum með skurði á sömu stöðum í lófanum. Það var einn skurður við rætur baugfingurs og áberandi ör neðst við löngutöng. Mér þótti þetta miklu skrítnara en Bruce, honum fannst þetta ofur eðlilegt. Ég ákvað að fara með Bruce og Demi í rússíbana sem var fyrir utan hótelherbergið en Demi þurfti þá að fara með þyrlu heim til þeirra því maturinn var að brenna við. Við Bruce spjölluðum lengi saman en svo fór hann einn í rússíbanann því ég þorði ekki.

Næst þegar ég veit af mér er ég á hálfgerðum fundi með veiðifélögunum um hvar skuli fara að veiða. Pabbi stingur upp á stað sem er í þriggja klukkutíma fjarlægð. Þetta er staður með fimm hellum.

Það var ákveðið að fara í þessa hella en við Tóti komumst ekki með þeim því lítil stelpa (ca 7 ára) kom og læsti okkur inni á hótelherberginu okkar og hélt okkur föngum í nokkra daga.. eða þangað til við náðum að sparka upp hurðinni. Við læstum auðvitað stelpuna inni í staðinn og fórum af stað í veiðiferðina.

Á miðri leið hringdu veiðifélagarnir í okkur til að láta okkur vita að þeir höfðu valið nýjan stað til að veiða á, og hann hét Star eitthvað, ég man ekki hvað þessi staður hét en þetta var íslenskt orð.

Ég vaknaði áður en við komumst á leiðarenda.

Það kemur sér ágætlega að mig dreymi svona klikkaða drauma, hef ég eitthvað til að skrifa um. Það væri ekki leiðinlegt að fá draumaráðningu á þessum líka.

Að lokum legg ég til að Morgunblaðið finni sér nýja auglýsingastofu.

| anna | 12:30 |

comments

Vá æðislegir draumar maður!
Ætluðu þið ekkert að fara kíkja í kaffi?
Morgunblaðsauglýsingarnar eru gamlar restar af dóti sem var tekið fyrir ecco sem fór svo á hausinn. Endurnýting allstaðar!

Nr. 1 | posted by: ingo | 13.11.2003 | 13:14:36 | [+] |

Jú nú förum við að kíkja í kaffi. Ég þarf að athuga hvenær Tóti er laus næst.

Já eru þetta restar.. ég hélt að þetta væri statement: "Við erum sporgöngumenn og förum ekki leynt með það"

Nr. 2 | posted by: anna | 13.11.2003 | 13:24:06 | [+] |

Já þetta er magnað.

En ef mann dreymir að maður sé Katrín mikla, situr við gosbrunn í hvítum kjól með hvíta spiladós og blóð fossar upp úr spiladósinni á meðan ballerína dansar hring eftir hring og speglast í lokinu?

Ég treysti á þig Hexía að leysa þessa ráðgátu...

Nr. 3 | posted by: anna | 13.11.2003 | 19:16:11 | [+] |

Sumir halda að draumar séu fyrirboðar. Svo er ekki. Draumar eru samsafn minninga og hugsana sem kallaðar eru fram í svefni vegna eins eða fleiri atvika eða atburða sem gerast í núinu.

Eins og kemur fram í greininni um martraðir sem ég póstaði á martraðar færsluna þína kemur fram að þeir eru auðvitað eitt form drauma. Orsökin er einhver stór atburður og afleiðingin er martröð. Orsökin fyrir draumum er auðvitað svipuð nema kannski vægari og afleiðingin "vægari" draumur.

Eftir draumfarir er gott að fara í gegnum allt sem maður hefur gert nýlega og undantekningarlaust er hægt að finna atburði eða atvik sem skýra einstaka hluta draumsins t.d. sjónvarpsþátt, grein í blaði, bók sem maður var að lesa, manneskja sem maður hittir, símtal o.s.frv. Þessir atburðir eða atvik geta síðan auðveldlega kallað á enn eldri minningar eða hugsanir og allt steypist þetta síðan saman í draum.

Það er síðan eitthvað, eins og áður sagði, sem setur þetta ferli af stað sem t.d. getur verið veikindi eða streita.

Hinar svokölluðu draumráðningar geta hinsvegar verið hið besta skemmtiefni og tilgangur með þeim sem slíkar.

Nr. 4 | posted by: igor | 13.11.2003 | 20:16:50 | [+] |

... It suggests that your past still has some influence or effect on your life. (sjá draumráðningu frá Hexiu). Þetta getur ekki verið. Ef ég á að vera krúl verð ég að spyrja hvort hægt sé að fussa og sveia yfir boðskap framliðinna með milligöngu góðra manna, en velta sér upp úr draumráðningum þess á milli.

Sá frægasti sem ég hef dreymt, svo ég muni, mun vera sá ágæti leikari Pálmi Gestsson. (Obs. ekki blautur draumur). Hjálp

Nr. 5 | posted by: Atviksorða-Anna | 14.11.2003 | 10:00:18 | [+] |