 |
|
|
|
 |
Tilfinninga kokteill
Fimmtudagur, 16. október 2003
Þegar ég var á leiðinni heim áðan leið mér svo furðulega. Ég var glöð, þakklát, hissa og ég skammaðist mín. Og svo þegar ég kom heim varð ég furðu lostinn, hissa, glöð og fegin. Og nú er ég semsagt þakklát, glöð, furðu lostinn, fegin, hissa og ég skammast mín. Þetta er furðulegur kokteill. Þegar ég kom heim áðan magnaðist þotuhreyfilshljóðið sem þvottavélin okkar gefur frá sér þegar hún er að vinda með hverju þrepi á leiðinni upp. Tóti er að þvo, hugsaði ég, ætli hann sé að skána af pestinni? Þegar ég opnaði útidyrahurðina átti ég von á að sjá draslið og ruslið sem var út um allt þegar ég fór út fyrr í kvöld á síðasta fund námskeiðisins sem ég er á en í stað ruslsins var ekkert rusl. Ekkert drasl. Ekkert uppvask. Ekkert óhreint tau. Engir krakkar vakandi. Bara kalt kók í ísskápnum, kyrrð og ró. Dásamlegt. Ef ég væri ekki orðin svona emotionally stable hefði ég líklega fengið taugaáfall og brostið í grát. Hefði fengið massíft kvíðakast sem óöryggi mitt í þessum aðstæðum hefði framkallað og væri nú á leiðinni í leigubíl upp á slysó. Í staðinn kyssti ég Tóta og sagði honum hvað fundurinn var góður og las fyrir hann lokaverkefnið mitt. Svo fékk ég mér kók í glas og settist við tölvuna. Ég var næstum búin að gleyma mér.. en svo mundi ég eftir að segja Tóta hvað mér hafi fundist gott að koma heim þegar allt er svona hreint. Ég velti því fyrir mér hvort ég ætti að fara í bað. Freyðibað jafnvel... | anna | 21:59 |
comments
Honum er ekki fisjað saman honum Tóta; ég hef alltaf sagt þetta og segi það enn. Bendir til að Eyjólfur sé að hressast og vonast til að fá hann í vinnu í fyrramálið. Þetta hefur verið...ég segi ekki alveg tómlegt, en það vantar eitthvað. Jakob ber þess vitni; hefur vantað eitthvað í allan dag og verið daufur og niðurlútur. vá, get ekki orða bundist. hef verið að laumast á síðuna þína upp á síðkastið því mér finnst þú svo skemmtileg. hef búið í útlöndum aðeins of lengi, og var næstum búin að gleyma hvað íslendingar geta verið ótrúlega skemmtilegir. veit að ég á nokkra vini sem eru frábærir en er alltaf að fatta betur og betur að íslendingar og sérstaklega íslenskt kvenfólk eru með einhvern neista sem er barasta beond alla. vá hvað það er hreinlega mjúkt og heimilislegt að lesa skrifin þín. hversdagsleg en heil og full af húmor. kannski ekki að marka þar sem ég bý í landi þar sem konurnar eru puntudúkkur og hafa sama og engan persónuleika, já þetta er Danmörk! þú ert bara sjarmerandi og skemmtileg! Vei vei! Nr. 3 | posted by: konan hans miles | 16.10.2003 | 23:57:43 | [+] |Hvaða árátta er þetta hjá fólki að gera athugasemdir við baðferðir þínar. Bað er af hinu góða. Ef maður er þreyttur og fer í bað - þá hressist maður og fer allur í sósíalgírinn. Ef maður er oförvaður og stressaður og fer í bað - þá slappar maður af og kemst í nánara samband við sitt innra sjálf (úff!). Nú svo er bara rosalega kósý að fara í bað með eiginmanninum - froða og ilmkerti/kertaljós. Anna mín ég skal gefa þér uppáhalds freyðibaðið mitt Sensual foam bath - You will love it!! (Er þessi baðárátta kannski í heilu ættunum???) Nr. 5 | posted by: Eddan | 18.10.2003 | 14:07:28 | [+] |
|
