 |
|
|
|
 |
Rússnesk faxvél frá helvíti
Miðvikudagur, 01. október 2003
SPECIAL BULLETIN Rétt í þessu var Rússneska faxvélin sem ég nota mikið næstum búin að drepa mig. Ég sat í þægilega stólnum mínum og dottaði þegar skyndilega skerandi viðvörunnarhljóð heyrðist sem vakti mig upp af værum blundi. Helvítis faxvél. Ég stóð upp, teygði úr mér, og rölti í áttina að kvikindinu þar sem hún er út í horni. Jú, jú.. mikið rétt. Hún er í kasti núna, hugsaði ég og gerði mig líklega til að sparka í hana. En áður en maður sparkar í vélar er gott að slökkva á þeim. Þetta vita allir sem sparka reglulega í vélar sér til ánægju og yndisauka. Þegar ég teygði mig syfjulega í "OFF" takkan á vélinn fékk ég raflost. OK. Ég var vöknuð. Ég er búin að slökkva á vélinni, sparka í hana, grýta í gólfið og stappa á henni. En þótt hún sé komin í lag er ég ennþá í sjokki. Ég hata þessa faxvél og held að það sé nokkuð ljóst að hún hatar mig jafn mikið til baka. I think this is the beguinning of a beautiful friendship... | anna | 14:34 |
comments
Það er nú einhver Doc Hollywood yfir lífinu og tilverunni þessa dagana. Ók á eitthvað andskotans drasl á hraðbrautinni, slapp betur en Hudson og sjálfskiptingin. Strokkarnir sex framkalla yndisleg kvartmíluhljóð, kurrar eins og kaffivélin hjá Georg og Mildred. Hvernig væri að bjóða útlögum erlendis upp á snúða með súkkulaði eða glassúr á Þorranum? tc Færslan hjá tc minnir igor á usa ferð fyrir nokkrum árum. Igor var eitt sinn í Boston og kom við í verslun og keypti ódýrt rauðvín. Tíu dollarar. Þegar heim kom var boðskort á ískápnum. Rauðvínssmökkun. Nú voru góð ráð dýr því ekkert var almennilegt rauðvínið til á bænum. En neyðin kennir naktri konu að spinna og verðmiðinn var enn á flöskunni frá Boston. Prentað með svona blíantslegum, grafítgráum lit. Málið leyst og flaskan kostaði nú 110 dollara. Svipurinn á rauðvínssmökkunarfólkinu var sérkennilegur því lítið samræmi var á milli gæða og verðs en fólkið var auðvitað kurteisin uppmáluð. Nr. 2 | posted by: igor | 1.10.2003 | 22:10:37 | [+] |Það er eins og hjá TC, andleg eyðimörk hvert sem litið er hjá herra Hudson. Þetta er ábyggilega út af stóra Gljúfrasteinsmálinu, að fylgjast með svoleiðis havaríi þurreys mann að innan. Ég hélt að nú fengi ég flugu í höfuðið í dag, en hún beygði frá á síðustu stundu svo ekkert varð úr snillinni. Ætli það skipti máli hvort flugan skellur á aftanfrá eða að framan? Gagnaugun kannski? Það hlýtur að vera besti staðurinn held ég því þar er kúpan þynnst. Ég er kominn á þá skoðun að maður eigi að vera á nógu stórum bíl hérna. Ford F350 með krómstuðurum og smábílagrind framaná er lágmarkskrafa. Verði draslinu á hraðbrautunum þá að góðu. Nr. 3 | posted by: AlanHudson | 1.10.2003 | 22:20:39 | [+] |
|
