 |
|
|
|
 |
Erfitt að vakna
Þriðjudagur, 23. september 2003
Í morgun lá ég sofandi uppí rúmi. Doddi lá sofandi uppí sínu rúmi. Fyrirmyndarmannverurnar dóttir mín og eiginmaður voru farin á fætur og Tóti gargaði til skiptis á mig og Dodda að koma á lappir. Eftir smá tíma bar hann Dodda sofandi uppí til mín en það er besti hluti morgunsins, að kúra við Dodda rétt áður en við ákveðum að vakna. Með þessum áþreifanlega hætti varpar hann allri ábyrgð á mig og ég veit að þegar Doddi er komin upp í rúm til mín er það mitt hlutverk að vekja hann og á hverjum morgni reyni ég að finna auðvelda lausn á þessu því Doddi er eins og ég: átakanlega morgunsvæfur. Í morgun, þar sem ég lá og kúrði við Dodda, fékk ég snilldarhugmynd. Í gærkvöldi bakaði ég meira af súkkulaðibitakökum eftir að krakkarnir voru farnir upp í rúm. Doddi læddist hinsvegar fram þegar hann fann köku ilminn og ég lofaði honum að hann mætti fá eina köku þegar hann vaknaði daginn eftir. Ég hvíslaði þessvegna létt í eyrað á Dodda sem lá við hliðina á mér steinsofandi: "Doddi, ætlar þú ekki að fá þér köku þegar þú vaknar?" Aldrei fyrr hef ég séð annað eins. Hann glennti upp augun og spratt fram úr rúminu eins og stálfjöður og bókstaflega hljóp fram. Mikið vildi ég óska að eitthvað gæti gert mig svona viljuga til að vakna. Verst að það væri þá helst eldsvoði eða heimsendir. Korteri seinna drattaðist ég á fætur og fann Dodda liggjandi makindarlega í sófanum kjamsandi á súkkulaðibitaköku. Hvar vorum við tuttugu mínútum seinna? Upp í sófa með sæng... að sjálfsögðu. | anna | 21:34 |
comments
Ef þú ætlar að reykja á annað borð þá skaltu reykja pípu. Eða vindla. Hvort tveggja fer konum afskaplega vel. Nr. 3 | posted by: AlanHudson | 25.09.2003 | 21:51:28 | [+] |Ef þú skildir vera búin að gleyma því sem ég sagði þá segi ég það bara aftur og aftur og aftur "Þú verður byrjuð að reykja áður en mánuðurinn er liðinn. Þú ert ein af þessum þykjustureykingamönnum sem svíkur alltaf málstaðinn reglulega og hættir til að verða eins og allir hinir aumingjarnir og Þorgrímur. Málið er bara það þú getur bara ekki hætt. " En hvað voru þetta annars margir dagar sem þú náðir núna? Nr. 5 | posted by: Norn | 25.09.2003 | 22:22:52 | [+] |Hmm, jæja ertu byrjuð aftur [angry] Á ég að hjálpa þér að hætta? Taktu þér vasareikni í hönd. Ef þú átt hann ekki nú þegar, notaðu þá peninganna sem frúin í Hamborg sendi ég fyrstu tvo daganna sem þú slepptir því að reykja tvo daga í röð og keyptu þér einn slíkan fyrir summuna sem sparaðist. Sláðu svo inn eftirfarandi: Einn sígarettupakki, sinnum 360 dagar (gerum ráð fyrir að þú sért veik í a.m.k. 5 daga á ári og uppgötvir, þó ekki sé nema þá daga, ógeðið sem fylgir reykingum.) Fylgir þú mér enn? Margfaldaðu svo þá tölu með tveimur. Þá færðu út tölu sem er nærri þeirri upphæð sem þú ert að eyða í sígó og óþarfa sem þú kaupir um leið og sígópakka. Nú ertu komin með ákveðna niðurstöðu í hendurnar. Nema þú sért með vasareikni sem liggur á borðinu. Þá er þetta nú alveg borðleggjandi dæmi! Langi þig að kvelja þig meira en orðið er, getur þú svo ímyndað þér að maðurinn þinn reykji líka. Hætti svo skyndilega vegna þess að hann geri sér allt í einu ljóst að... hættið þið bæið saman, getið þið leyft ykkur að fara til útlanda árlega ef þið eyðið þessu smáræði í sparnað í stað reykinga og annars óþarfa. Dahhhh......... ég hef heldur aldrei verið hrifin af reikningi
|
