 |
|
|
|
 |
Vaxblóm Hoya
Miðvikudagur, 20. ágúst 2003
Mig hefur lengi langað í fleiri tegundir en þessa (Hoya Carnosa) sem allir eiga en það er ekki auðvelt þegar maður býr á eyju langt út í ballarhafi þar sem gilda mjög strangar reglur um innflutning á plöntum. (Update: Ofangreint er rugl. Það gilda mjög sanngjarnar reglur um innflutning á pottaplöntum á Íslandi) Mig langar bara í brot af þessum sem hægt er að finna í þessu galleríi Oh.. ég er fædd í svo kolröngu landi að það er ekki fyndið.
Sem minnir mig á myndina Green Card... oh... mig langar í svoleiðis gróðurhús. Ó, Ó, Ó! Mest langar mig í gróðurhúsið sem var í myndinni Practical magic, sjá mynd. Eru ekki einhverjir þarna úti sem eru til í að gefa mér afleggjara? Já.. það þýðir ekkert að senda mér afleggjara í pósti. Ég er á svörtum lista hjá tollinum eftir að ég reyndi að smygla inn eiturlyfjum í pósti þegar ég var 17 ára. Án gríns. Ég var boðuð niður í toll þegar pakki frá fólkinu sem ég bjó hjá í US kom til landsins en í honum var ein flaska af Pepto Bismol, Visine og economy size af Tylenol. Sem eru verkjatöflur sem fást í stórmörkuðum í US. Þessi lyf eru eiturlyf á Íslandi. Ég var vegna þessa sett á svartan lista hjá tollinum vegna þess að ég var, skv. íslenskum lögum, að smygla inn eiturlyfjum. Magnað. Það er vert að taka fram að það er ekki ólöglegt að koma með þetta með sér til landsins... það má bara ekki senda íslendingum svona eitur í bögglapósti. Allar sendingar sem ég hef fengið erlendis frá hafa verið opnaðar samviskusamlega síðan þetta gerðist af starfsmönnum tollsins. Þótt ég sé löngu hætt að smygla eiturlyfjum. Ég hef þetta bara í handfarangrinum. | anna | 16:57 |
comments
Jú, jú, Grey lyfjaverslun verður að vernda íslenskan iðnað, hvort sem það eru innlendir lyfjaframleiðendur eða póstverslanir Þú þarft að taka þig á í plöntulatínumálfræðinni. Hvað um það. Frú Hudson eldri (þeas mamma) átti svona blóm lengi vel. En með sameinuðu átaki júníoranna á heimilinu þá dó hún að lokum. En það sem þessi planta þoldi var aðdáunarvert. Þú veist hvernig lyktin af þessum gróðri er er það ekki? Nr. 4 | posted by: AlanHudson | 21.08.2003 | 20:17:07 | [+] |Ha.. viltu kenna mér plöntumálfræðilatínu? Ég á þessa týpísku (sjá mynd) og veit alveg hvernig lyktin af blómunum er. Mig langar bara í slatta af hinum og ekki endilega út af blómunum.. ég hrífst aðallega að því hvað er einmitt hægt að hugsa illa um þessi blóm án þess að þau drepist. Það er þó mismunandi eftir tegundum... Nr. 5 | posted by: anna | 21.08.2003 | 20:23:47 | [+] |Þetta er voða einfalt - og nördalegt: Latnesk tegundaheiti samanstanda af tveimur nöfnum/orðum, ættkvíslinni (því fyrra) og tegundarheitinu (því síðara). Seinna nafnið/orðið ætti í rauninni að kalla 'tegundareinkennisheiti', því bæði þessi nöfn eru alltaf notuð saman og mynda þannig hið raunverulega tegundaheiti. Fyrra orðið er síðan alltaf ritað með stórum upphafsstaf, en hið seinna alltaf ritað með lágstöfum eingöngu. Þetta var lesson 1. Í texta er latneskt heiti síðan alltaf skáletrað, eða undirstrikað (og þá er undirstrikuninni sleppt í orðabilinu), nema þegar textinn sjálfur er allur skáletraður, þá er latneska heitið haft með 'uppréttu' letri (eða undirstrikað). Þetta var lesson 2. Þá er maður víst endanlega búinn að koma út úr nördaskápnum. Nr. 6 | posted by: AlanHudson | 22.08.2003 | 16:14:57 | [+] |
|
