Ég styð þig í baráttunni þó að blóm séu nokkur ljósár frá öllu sem mér gæti í eilífðinni hugkvæmst að hafa áhuga á. Sambýlismaður minn keypti eitt sinn risavaxna jurt með furðulegu nafni og stillti henni upp í stofunni hjá okkur. Viku seinna var ég ein heima og sá stóran orm (af tegund sem ég hef hvorki séð fyrr né síðar) skríða um gólfið. Ég drap hann af miskunnarleysi og ætlaði svo að fara að hátta. Þegar ég labbaði nýtannburstuð í náttkjólnum yfir stofugólfið sá ég annan orm, og svo þann þriðja. Ég hóf rannsóknarstörf til að leita að uppsprettu þessa viðbjóðs og hugkvæmdist að líta í helvítis blómapottinn. Hann reyndist vera stór, iðandi ormagryfja.
Ég held að hjartað í mér hljóti að hafa stoppað meðan ég setti upp gúmmíhanska, tók risavaxinn pottinn með jurtinni og ormunum, og fór með alltsaman út í ruslatunnu. Þegar ég kom inn aftur byrjaði hjartað að slá, á svo miklum hraða að ég gat ekki sofnað og neyddist til að fara á barinn að róa mig niður.
Nú eru tíu ár síðan þetta var og enn hef ég ekki leyft jurtir á heimili mínu nema þær séu afskornar eða þurrkaðar.

Nú er ég farin að blogga í annarra manna kommentakerfi. Mér fannst bara rétt að deila með þér þessari vel völdu klippu úr fóbíusafninu.

Hvusslax blóm hefur þetta nú verið!?

Ég hefði hent þessu blómi líka.

Ég var að tala við Ted Green sem sendir græðlinga út um allan heim og hann bað mig að senda sér milljón kall í íslenskum krónum! Sjís.. Ég vona að hann verði ekki svekktur þegar ég sendi honum bara uppsett verð skv. heimasíðunni hans...

Þegar ég bjó á Akureyri þá keypti ég mér pottamold til að umpotta blómum. Viku eftir að ég var búin að umpotta fór ég að sjá litla orma í moldinni.. klassíska íslenska ánamaðka nema voða litla. Eins og ánamaðkabörn. Ég fór í blómabúðina þar sem ég keypti téða mold og vildi fá skýringu á þessu. Þeir sögðu að þetta væri alvanalegt. Ég umpottaði öllu aftur í ormafría mold og flutti frá Akureyri.

Anna!

Þú ætlar sem sagt að gera vesturbæinn að einskonar Notting Hill, búa í litlu sætu húsi í iðandi mannlífinu eins og William Thacker og Spike?

Styð þig heilshugar!

Ef þú færð þér svart ryðgað langömmuhjól og grænar espadrillur þá skal ég sjálfur flétta tágarkörfuna framan á reiðhjólastýrið!

Blóm eru kúl svo lengi sem þau eru ekki þurrkuð og reykt.

Góða helgi!

tc

Oh... Veistu hvað ég get fengið eins og einn Spike? Myndi fullkomna the decor. Ekkert eins og gúrka til að lífga upp á tilveruna!

Já.. ég ætla að verða blómakona í litlu húsi með lítið gróðurhús og white picked fence umhverfis garðinn. Það er eina úrræðið fyrst ég get ekki orðið kattarkona sökum líkamlegrar fötlunar..

Nope, get víst nokk lítið orðið þér að liði. Er ekki einu sinni sjálfur efniviður í Spike -- borða sjaldan mayones "dry" (biðst forláts, en er búinn að gleyma íslenska frasanum).

Hmmm, annars, datt mér nokkuð í hug. Lítið hús og hvít trégirðing. Flyttu til Smálanda, þar er að finna aragrúa af litlum sætum smábæum með lítil sæt rauð hús. Refurinn Loki er heimalingur þarna, spurðu hann ráða! Ef þú finnur engan Spike þar, þá er ég viss um að Samúel Gústafsson, reynslunni ríkari, muni hlaupa í skarðið.

tc

Salomon var það, ekki Samúel.

Sérðu ekki Spike og hvítu girðinguna fyrir þér á myndinni (seinni)?

Mig dreymir einmitt um svona hús. Og Spike. Stundum..