Fyrirgefðu mér þess yfirsjón.. en taktu þessu sem komplímenti. Ég gjörsamlega féll fyrir þessri frábæru hönnun.. en mun reyna eftir fremsta megni að finna eitthvað annað sem nýtist mér sem staðgengill. Það er borin von að nokkuð það sem ég á eftir að stela í framtíðinni muni nokkurn tíma verða neitt í námunda við þessa ótrúlega glæsislegu hönnun þína...
ég bið þig forláts.. enn og aftur.. næstum knékrjúpandi.. en ekki alveg þó - virtu mér það til vorkunnar að ég stóðst ekki mátið!

Hugskot ! ? er eitthvað brengluð réttlætiskenndin ?

anna.is er með júnikk síðu sem er hennar sköpun, ef þú gætir gert eitthvað júnikk þá myndirðu gera það en þetta er ekki öllum gefið.

Mér er sama hversu lítið það er sem stolið er af þessari síðu, hér er allt custom made og því leiðinlegt þegar einhverjir ófrumlegir nappa héðan og setja á sína síðu sem hvort eð er er með cliparti héðan og þaðan.

...ég ætla nú ekki einusinni að fara útí það þegar þjófóttir einstaklingar bíta höfuðið af skömminni með því að sýna Árna heilkenni með því að ráðast á þann sem stolið var af með skætingi.

Síðan hvenær varð hrós og aðdáun að skætingi. Ég tók þetta fullkomlega til greina og örin er farin af síðunni minni! Ég var ekki nema örfáar mínútur að finna staðgengil sem dugar þar til ég verð sjálf nógu original...

dorinn kemur eins og riddarinn á hvíta hestinum til hjálpar. Betri en enginn.

anna ver sig og sitt með kjafti og klóm. Gott hjá henni enda er þetta hennar dót. Virkilega vandað og flott. Þó útlitið sé flott þá er innihaldið ekki síðra. Það er það sem skiptir máli til lengdar.

Nokkrar spurningar til önnu:
Eru hæfileikarnir meðfæddir?
Hefur þú numið netfræði einhversstaðar?
Vinnur þú kannski við þetta?

Igor, Anna þarf enga hjálp, mér bara finnst eitthvað svo rosalega bogið við fólk sem finnst í lagi að stela afþví að það er bara að stela litlu....

Samkvæmt síðunni hjá þessum ágæta örvanappara er ég með bull og kjaftæði....

Ég hugsaði með mér þegar ég las þetta að þessi manneskja væri eflaust í illdeilum á fleiri stöðum, enda kemur það í ljós þegar hennar síða er lesin að það er málið.

Vandræði á vinnustað og víðar, en auðvitað er það ekki henni að kenna, heimurinn er svo óréttlátur og enginn virðist skilja hana.

Ég sé það núna að það er ekkert að þessari manneskju, heimurinn skuldar henni, Anna er í heiminum... þar af leiðandi er hún bara að fá hluta af því sem heimurinn skuldar henni með því að grafík í einkaeigu fyrir sína síðu.

Ég get ekki annað en hlegið að sumu fólki.....

Dorinn.

Ég vil taka fram að ég þekki hugskot ekkert og styð önnu í málinu en ég er nú þannig að ég verð alltaf að ræða málin aðeins lengra. Þrasari.

Anna hendir mér þá bara út. Hér er hún GUÐ samanber fyrri samræður okkar önnu á þessum miðli 30.júní undir titlinum purrr-fect?

Þú skalt ekki stela segir eitt boðorðið. Reyndar kemur það nú ekki fram hjá hugskoti að hún hafi stolið af því þetta var svo lítið heldur af því freistingin var of mikil. Þetta var svo flott að hún stóðst ekki mátið. Sem er auðvitað ekkert betra. En allir hafa sína réttlætingu fyrir þjófnaði.

Hugverk (eins og anna.is) verða oftar en ekki fyrir barðinu á þjófnaði. Fólki finnst eins og það sé síður merkilegt ef það sem stolið er er óáþreifanlegt.

Þeir sem stela litlu t.d. einni ör geta borið fyrir sig að þetta sé hvort eð er svo lítið að það skipti ekki máli.

Lag sem sótt er af netinu er þjófnaður því sá sem samdi fær ekkert fyrir sinn snúð. Réttlæting: Þessir tónlistarmenn eru hvort sem er svo ríkir.

Golfleikarinn sem fer á golfvöllinn og spilar golf án þess að borga er að stela. Golfvallareigandinn hefur lagt stórfé og natni í völlinn og fær ekkert fyrir sinn snúð. Réttlæting: Þetta eru hvort eð er svo miklir okrarar.

Bíleigandinn fer með bílinn í sölu til bílasalans en hittir síðan kaupandann á laun og borgar ekki sölulaun. Þjófnaður. Réttlæting: Bílasalar eru helvítis glæpamenn og eiga ekkert gott skilið.

Ef þú hleður niður hugbúnaði frá Microsoft af diski sem þú fékkst hjá vini þínum ertu að stela. Réttlæting: Microsoft er hvort eð er djöfuls einokunarmaskína og því allt í lagi.

Sagði ekki Jesú? Sá yðar sem syndlaus er kasti fyrsta steininum.

Igor, ég stórefa að Anna fari að loka á þig, til þess ertu alltof skemmtilegur.

Eitt verð ég að segja þér í byrjun, ef þú tekur lög af netinu þá ertu ekki að stela því, það er svo skrítið á Ísalandi að við borgum gjald til Stefs f hörðum diskum, geislabrennurum og hverjum einasta tómum geisladiski.... Á íslandi er löglegt að hlaða niður músik því við erum búin að borga fyrir hana.

Annað, ef einhver nappar hugverki þá er það bara þannig, en þegar eigandi bendir nappara á að þetta sé einka einka þá er eitthvað mikið að þegar nappari bregst við með hæðni og leiðindatöktum. Hún er að níða allt og alla hér á síðu sinni og með leiðindi í kommentakerfinu hér. Ég hef ekki séð svona hrokaviðbrögð áður nema hjá einum ónefndum fyrrum þingmanni.

Svo skulum við bara halda góða skapinu og leifa þeim sem þykjast vita allt um örvar og þar með eiga þær sigla sinn sjó, en hvað ætli starfsheiti slíks fólks væri, Örviti ?

Beggs, jú allt í stakasta, þú ert að ganga inní miðja sitjúasjón sem er í senn sorgleg og stórskondin

Hugskot er búin að taka út myndina og biðjast afsökunnar eins og hún hafi framið mannsmorð. Ég stel ekki örvum, bannerum, flipum, linebrake-um og slíku af öðrum síðum og það pirrar mig þegar ég sé eitthvað sem ég bjó til á mína síðu skyndilega hjá öðrum.

Ég tók það strax fram að kannski hefði Hugskot ekki séð Copyright merkinguna á síðunni. Líklega veit Hugskot ekki að allt á síðunni er verndað höfundarrétti. Ég nenni ekki að eyða tíma í að þræta um þetta eða blammera fólk.

Drop it ya'll.

Dorinn.

Takk. Þetta er í fyrsta skipti sem ég er sagður vera (allt) of skemmtilegur.

Cd´s noted.

Sammála. Oftast best þegar maður gerir mistök að roðna og segja sorry eins hratt og maður getur og lofa að gera þetta aldrei aftur. Og standa við það.

Beggi dot com.
Allt í stakasta lagi nema hjá mér sem get aldrei hætt neinu heldur verð alltaf að halda endalaust áfram þangað til allir eru búnir að gefast upp. Á mér.

Hættur.

En, anna, værirðu til í að svara spurningunum sem ég setti fram í upphafi og voru settar fram í fúlustu alvöru. Forvitni.

Ég tek þó nei fyrir svar.

Igor:

Ég er ekki menntaður vefari. Ég fór á tvö þriggja kvölda námskeið hjá Endurmenntun Háskólans hjá Gunnari Grímssyni sem kenndi mér undirstöðuna í html og notendaviðmóti á Internetinu. Ég hef mikinn áhuga á notendaviðmóts hlutanum og fór á tveggja daga fyrirlestur hjá Jim Sterne um árið og sé ekki eftir því. Restina hef ég pikkað upp aðallega á netinu og af bókum sem ég hef fjárfest í.

Ég hef verið þekkt fyrir að taka að mér verkefni on the side en heimasíðugerð er ekki my day job.

Takk.

Mentaður vefari. Skondið hvernig orð fá nýja merkingu.

Já sérstaklega í ljósi þess að ég er menntuð saumakona...

Úps, afsakaðu stafsetningarvilluna

say three hail Mary's...

Jamm það gerir þetta auðvitað enn skondnara

Bíddu, ég hélt þú ætlaðir að koma skriftastólunum í kirkjurnar..

Greyin[dissappointed]

Það er ör-ugglega ekki miklu, þ.e.a.s alveg ör-litlu, við þetta að bæta. Var samt að hugsa er gott eða vont að vera ör-eigi?

Það er fínt bara. Mikið af fríum og maður þyngist ekki... hehehe