 |
|
|
|
 |
Af reglum
Fimmtudagur, 10. júlí 2003
Ég setti reglu um daginn og skrifaði hana niður og hengdi upp á vegg. Doddi sagði mér að þetta væri ekki "alvöru" regla nema hún væri skrifuð niður og hengd upp á vegg. Reglan hljóðar svona: "Það er bannað að öskra og grenja þegar maður spilar tölvuleiki." Ég setti regluna því þegar börnin mín eru orðin spennt við að leika sér eiga þau til að verða rosalega pirruð og reið og þá vil ég að þau slökkvi og fari að gera eitthvað annað. Þessi regla hefur gefist rosalega vel. Nú er ég yfirleitt ubercool þegar ég spila tölvuleiki og hef haldið því fram að það þurfi ekki að vera með óhemjuskap þegar maður er að spila. Þetta var áður en ég fór að spila Sly Racoon. Við krakkarnir skiptumst á að spila, hver og einn á sinn leik save-aðann og í gær fór ég í borð sem var rosalega erfitt. Ég var í keppni við einhverja helvítis hraunsnigla sem borðuðu tölvur og ég átti að ná upp í 60 tölvur á undan þeim. Ég tók þrjár atrennur og í þeirri síðustu var ég gjörsamlega að fara á límingunum og þegar helvítis sniglarnir náðu 60 þá var ég með 58. Ég stóð upp, henti joy-stick-inu í sófann og öskraði: "OH COME ON! FOR FUCK SAKE! FIMMTÍU OG FOKKING ÁTTA! ÉG TRÚI ÞESSU EKKI!!!!" Þá heyrðist í Dodda: "mamma, ef þú ætlar að vera með svona læti verðum við að slökkva á tölvunni". Touche! | anna | 11:19 |
comments
Heldur betur. Lestrarreglur. Ég er hrifin af reglum. Þær gefa mikla möguleika. Maður getur bæði farið eftir þeim og brotið þær. Ein af mínum reglum er að lesa reglulega Hagtíðindi (Monthly Statistics) en það rit er gefið út af Hagstofunni og hef ég verið áskrifandi af þessu merkisriti árum saman. Í júní heftinu eru margar spennandi greinar t.d. um vöruskiptin við útlönd, ýmsar vísitölur og fiskafla. En áhugaverðasta efnið í þessu tölublaði er lokatölur yfir mannfjölda á Íslandi 31. desember 2002. Þar er upplýst að íslendingar voru þá á þeim tímapunkti 288.471 talsins. Af þeim voru 144.287 karlar eða 50,02% og konur voru 144.184 eða 49,98%. Þetta er að sönnu stórfrétt því við karlar höfum nú tekið forystuna og erum 103 fleiri en konurnar en hlutfallslega munar aðeins 0,03917%. Landar okkar sem eru fæddir í fyrra þ.e. eru 0 ára eru 4.092 talsins og eru þá jafnframt yngstir en aðeins einn einstaklingur er í flokki þeirra elstu og er hann fæddur 1895 og er því 107 ára. Samtals sjö manns eru fæddir á nítjándu öldinni og lifa enn. Hlýtur að vera dáldið merkilegt að vera uppí á þremur öldum. Sem leiðir mann í aðra pælingu. Á seinni hluta tuttugustu aldar hugsaði maður stundum hvernig það hafi verið að vera uppi t.d. árið 1903. Ansi langt síðan, allt mjög einfalt, gamaldags, lífið erfitt og engin svokölluð nútímaþægindi. Svo fór ég að velta því fyrir mér um daginn að nú lifum við á árinu 2003 og árið 2094 til dæmis mun einhver velta því upp hvort ekki hafi verið erfitt að lifa árið 2003. Ansi langt síðan, allt mjög einfalt, gamaldags, lífið erfitt og engin svokölluð nútímaþægindi. En sennilega er það nú bara þannig að á hverjum tíma eru flestir sælir með sitt. Þetta er allt spurning um samanburð. Ef maður veit ekki hvað maður getur fengið þá getur maður ekki verið ósáttur við að fá það ekki. Og meira varðandi samanburðinn þá er auðvitað alltaf í fullu gildi að "enginn veit hvað átt hefur fyrr en misst hefur". Nr. 3 | posted by: igor | 12.07.2003 | 8:41:26 | [+] |
|
