Já, en Maístjarnan er svo falleg.

Harry og Heimir eru hrein snilld.

Þetta gæti verið eigingirni en ég hef áhyggjur af þessu fríi þínu. Það gæti þýtt það að anna.is yrði ekki uppfærð reglulega og bloggsugan fengi ekki nægju sína. Ég hélt þetta væri svona 24/7 vefur. Verður þú kannski með neyðarvakt fyrir bloggsugur sem eru að verða næringarskorti að bráð?

Ég hugsaði þetta betur og þetta er eigingirni. En spurningin stendur.

Ég er að fara á mikið menningarheimili í Vatnsdalnum sem býður bæði upp á PS2 og nettengingu. Ég mun örugglega uppfæra vefinn reglulega og segja frá ævintýrum mínum í sveitinni!

Beggi, ég vona að þú sért að djóka. Maístjarnan er bönnuð á geðdeildum þar sem hún er óvinur þunglynda mannsins...

Ekkert veit ég um það enda ekki þunglyndur, heldur fremur léttlyndur. Einn vinur minn heldur því til dæmis fram að það sé ekki hægt að móðga mig.

Ég lofa að hleypa Önnu í tölvuna mína eins oft of hún kærir sig um [biggrin]. Spurning samt hvort hún hætti ekki að sækjast í tölvuna þegar hún sér hversu hæg- og brokkgeng hún er.

Annars erum við Anna með snilldarplott í gangi. Hún ætlar að koma með einhvern svaka flottan PC leik með sér sem við ætlum að gera kallinn minn húkkt á. Hann er þó það stór að hann ætti að frysta tölvutraktorinn minn hæfilega mikið og oft til að hann sjái sér ekki annað fært en að fjárfesta í nýrri tölvu, fyrr en síðar!

Maístjarnan er hrikalega falleg, en kannski ekki það mest hressandi sem hægt er að hlusta á á löngu ferðalagi

Falleg en ekki fyrir þunglynda.

Ekki hægt að móðga þig? Sárnar þér aldrei? Verður þú aldrei svekktur? Það er skrítið. Getur það verið.. ég meina.. heldurðu kannski... að þú sért... geimvera?

Ég er yfirleitt frekar ánægð, en það er alveg hægt að móðga mig og særa og svekkja.

Getur vel verið að ég sé tregur og eigi gott með að misskilja en hver ykkar var með upptöku af Harry og Heimi að syngja Maístjörnuna ?

Hmmmm, eftir tveggja daga ferðalag til Kanada, með Papana í farteskinu, er ég um það bil að verða heimsfræg, fyrir traustan tónlistarsmekk, fyrir okkur Islendingana hér í St.John´s... get hiklaust mælt með nýja diskinum, ekki síst fyrir blessuð barnabörnin.. Já Anna mín, maður er hvergi óhultur fyrir foreldrum sínum, jafnvel á langferðum til Kanada nær maður að bögga börnin sín, sem eru reyndar engin börn lengur, heldur að nálgast miðjan aldur óðfluga eða eins og óð fluga.... Bið að heilsa í Vatnsdalinn! Var Vatnsenda-Rósa ekki uppalin þar?

Múttan er lúnkin, kemur með það án þess að segja það....

....ef eitthvað er gott að hafa á spilaranum á leið út á land þá er það vísur Vatnsenda-Rósu.

....en það nennir eflaust enginn að hlusta á það afþví að það er íslenskt, þyrfti að vera á ensku, t.d. SoggyBottom-Rose

hefðirðu sagt þessa línu 17 árum fyrr og það um verslunarmannahelgi
"Hey mamma! Hvar eru útilegugræjurnar sem þú ætlaðir að lána mér í ferðalagið? Ah.. bara að stríða.. ég þarf ekki tjald lengur"

Þá hefði mútter leigt þotu til að komast heim strax.....

.....skrítið hvað margt breytist með tímanum.

En þar sem ég hef ekki farið út úr bænum um verslunarmannahelgi frá því ég var 14 ára og hef aldrei farið á útihátíðir af neinu tagi held ég að þetta dæmi sé unrealistic.

You see... þegar ég varð 15 ára neitaði ég að fara út úr bænum með mömmu og pabba og hef verið í bænum um verslunarmannahelgi síðan. Því miður er orðið allt of algengt að fólk haldi sig í bænum þessa helgi, í den var þetta dásamlegt. Borgin tóm og göturnar auðar. Ekki lögga in sight. Þá var gaman að vera með bílpróf.

Já.. ég verð stundum líka svekkt yfir eigin heimsku og það er eigin heimska sem veldur mér sárindum líka.

Af hverju reyna sumir að móðga aðra? Ég skil það ekki.

Ég helli mér heldur ekki yfir fólk eins og löggur og stöðumælaverði. Þegar ég borga ekki í stöðumæli er ég að gambla. Stundum tapa ég en oftar vinn ég... Löggan hefur bara tekið mig tvisvar og ég græt hvorugt skiptið.

Hef aldrei verið spurð að því hvort ég sé ekki fúl í þeim aðstæðum sem þú talar um. Kannski sýnist mönnum ég vera það. Samt... varla.

Ég er líka geimvera. Bý á plánetu sem heitir Jörðin.

Þú verður að fara að lesa Hitch Hikers. Ford Prefect var einmitt frá plánetu í grennd við Betlegás.

Já ég er einmitt á leiðinni á bókasafnið í dag. Ég er búin að vera á leiðinni að fara að lesa þetta frá því ég var unglingur. Best að fara að drífa í þessu. Lesa þessa og Brief history of time. Ég er að komast í lestrarstuð...

Brief history of time er algjör snilld. Enda er ,,the wheelchair guy", eins og Hómer kallaði hann, óneitanlega snillingur.

Anna, Anna, Anna!!
Heldurðu að þú sért að fara í einhverjar sumarbúðir?
Þér verður sko haldið að verki. Ég er búin að vera að tína saman öll biluð tæki á heimilinu og það er orðin býsna stór hrúga,.... með uppþvottavélini sko
Þér á ekki eftir að gefast mikill tími til lestrar [biggrin]