Heldurðu að þú gætir nokkuð sent anda ömmu þinnar norður yfir heiði?
Ég væri alveg til í að vera svona andsetin, en ekki nema svona ca. tvo daga í senn tvisvar á ári. Meira held ég að ég myndi ekki þola.
Ég er salla ánægð með mig þegar ég er búin að skubba mesta yfirborðsdraslinu úr sjónlínu og yfir mig thrilled ef ég næ að skúra áður en það sprettur upp aftur. En að þrífa...*hrollur*
Annars náði ég að þurka af "næstum allri" hillusamstæðunni í stofunni í gær[weteyes]

Appelsín!! Þú ert heldur betur að standa þig í kókbindindinu[biggrin]

common.. appelsín inniheldur ekki koffein

Veit ég veit, þetta var hól [biggrin]

Harpa - hvar fyrir norðan heiði býrðu?

Er kominn sláttur? Áttu Zetor?

tc

Tony - Ég bý í fegursta dal landsins sem staðsettur er á milli Holtavörðu- og Öxnadalsheiða. Nafn hans á því ekki að vefjast fyrir nokkru mannsbarni, nema þá helst Önnu sem opinberað hefur vankunnáttu sína í íslenskri landafræði nýlega

Ég á þrjá Zetora, einn forláta Massa, Nalla, JCB gröfu og Benz vörubíl. En ég á engar framsóknatúttur.

Sláttur er ekki hafinn á mínu höfuðbýli en samkvæmt upplýsingum sem ég fékk frá manni mínum í hádeginu hefst sláttur strax og hann hefur fengið eitthvað gott að borða. (Til útskýringar var makkarónugrautur í hádegismat og pasta telst ekki mannamatur í huga alvöru karlmanna er mér tjáð. Reikna þess vegna með að ég verði að elda lambakjöt þegar mér finnst vera mátulega sprottið.)

Mér heyrist á öllu að þú sért gamall sveitamaður, með Zetor að aðaláhugamáli. Hvar sleist þú barnsskónum?

Harpa: Bíddu nú aðeins við, hvenær var þessi dalnefna þín kosin fegursti dalur landsins?[eyebrows]

Beggi: Áttu gömlu grunnskólalandafræðibókina sem kennd var í den, á þínum skólaskylduárum?
Í henni stendur svart á hvítu hver fegursti dalur landsins er.
Reyndar var þeirri setningu sleppt í seinni útgáfum, enda eðlilegt að gefa fólki tækifæri til að mynda sér sínar eigin skoðanir á málinu (ekki erfitt viðfangsefni). Við, dætur og synir Ingimundar gamla erum hins vegar hvergi bangin að flíka okkar fallegu sveit og erum stolt af náttúrufegurðinni.

Þú veldur mér sárum vonbrigðum, Bergþór Jónsson, eins og þú státar af að hafa komið víða við á Íslandi. Þannig ættir þú einnig að hafa séð að þessa speki má ekki einungis lesa í kennslubókum heldur er þetta heilagur sannleikur eins og auðvelt er að sjá, aki maður ekki með lokuð augun hringinn í dalnum fagra!!
Er fegurðarskyn þitt nokkuð gallað ?

Beggi:
Og annað: Ertu með aðra tilnefningu? Ég er ekki hrædd við samanburð við nokkra sveit.[eyebrows]

Harpa!

Þú hljómar eins og regular Vatnsdælingur, gætir þó einnig búið langt frammi í Skagafirði, er þó ekki viss um hvort og hvernig þeir bæir eru í byggð. Þú ert andskotakornið ekki úr Blöndudalnum??

Þú verður nú að útlista aðeins nánar hverskonar Zetora þú átt?

Einn 4718, einn 6911 og einn 7845??

Og hvað með Fergusoninn, gamall 35, 135, eða eitthvað yngra en fertugt?

TC hefur slitið mörgum pörum af dreifbýlistúttum úr Hvannbergsbræðrum á sléttunni austan Holtavörðuheiðar og vestan Öxnadalsheiðar.

TC:
Hjarta mitt tók kipp!!
Ég hljóma eins og regular Vatnsdælingur

Þekkirðu marga? (skylduspurning sem kallar á svar!!)
Skagfirðingur er ég ekki, og Blöndudalur... hvernig dettur þér slík fyrra í hug? Ég sagði að minn dalur væri fallegasti dalur landsins!

Þetta með Zetorana, svara því síðar, nenni ekki út núna að tékka á hestöflunum. Bíð frekar eftir að bóndi minn rísi úr rekkju með morgninum og spyr hann. Hins vegar get ég sagt þér það sem þú líklega veist: Allir mínir Zetorar, eins og flestir sem framleiddir hafa verið, eru sérlega hentugir á á mínum bæ, þar sem þeir hafa allir á að státa samkomusal (risastóru húsi sem margir ungir íslendingar komast fyrir á sama tíma). Sem púkatemjarar verðum við sambýlingarnir að hafa sæmilegt speis í kring um okkur til að raða börnum, okkar og annarra.

Er bara ein slétta austan Holtavörðuheiðar og vestan Öxnadalsheiðar?
Er hún í Skagafirði? Eða er hún vestan Blöndu?

Ég er stunned. Gestir mínir á anna.is hafa tekið upp dulmál í formi landafræði.

Ég held að okkur sé öllum hollast að bíða bara þangað til ég er búin að heimsækja Hörpu og þá get ég skorið úr um hvort Laugardalurinn eða dalurinn hennar er fallegri.

[eyebrows][biggrin][suspicious][eyebrows]

Hóó!
Haldið á hestunum ykkar augnablik!
Svarfaðardalur hefur löngum verið talin fegurstur dala!
Anna mín hvað er að frétta?

Svarfaðardalur? Hverjum finnst dalur með slíkt nafn fallegur?
Kunningi minn einn telur Herjólfsdal fegurstan dala. Það stafar sennilega af því að þar missti hann sveindóminn um árið. Sú athöfn fór fram með góðu samþykki hins aðilans og komst því ekki í fjölmiðla. Ávöxt þessarar unaðsstundar má sjá bregða fyrir í Vesturbænum á góðviðrisdögum.

Hudson!

Þú ert snillingur!

4718 var mitt annað heimili á unglingsárunum. Ágætis vélar ef frá er skilið bremsubúnaðurinn og ending á öllum rafmagnsbúnaði. Fíbertoppurinn, verkfærakassinn á vinstra afturbrettinu, hálmurinn í slitnu sætinu stakk í gegnum kakíbuxurnar, farþegasætið að aftan í hálfgerðu lamasessi. Ég garðaði fleiri hundruð kílómetra á slíkri vél með lyftutengdri. Ef var mikið hey á hornunum undir afturdekkjunum átti ég það til að beygja með bremsunum. Þetta var jarðýta. Nú svo var ekkert mál að láta gripinn prjóna þegar múgavélin var uppi. Kunni alltaf vel við þessar vélar. Harpa vísar í stór hús á vélunum sínum. Hún á áreiðanlega 4911 eða 6911.

tc

Og upphandleggsvöðvarnir sem maður fékk af því að stýra - maður lifandi!

PS, bremsubeygjur voru mín sérgrein.

Það er nú fyrst á efri árum að afgangurinn af líkamanum er loksins farinn að samsvara upphandleggnum.

"Gccgrrrrhhhh......." hljóðið í gírstönginni var alltaf sjarmerandi. Asskoti gæfi ég mikið fyrir að geta komist í svona tæki í dag.

Morsárdalur.

Harpa!

Ólst m.a. upp á sléttu undir litlu en grýttu fjalli. Snobbaðir frændur mínir vildu heldur kenna sig við Vatnsdal. Það þótti fínt hér í den. Þar óku menn um á nýjum Landróverum og áttu jafnvel forláta Volvo ef vel bar undir. Kusu flestir sjálfstæðisflokkinn. Í Blöndudal þótti það fínt að eiga Range Rover. Langt síðan ég hef farið fram í dalina, aldrei að vita nema ég taki rúntinn næst þegar ég verð á ferðinni. Mér þykir vænt um þessar sveitir.

tc