 |
|
|
|
 |
Föstudagur
Föstudagur, 30. maí 2003
Þá er komin föstudagur, í annað sinn í þessari viku. Ég fór með nýútborguð launin í europris að kaupa sokka á afkvæmin og það rifjaðist upp fyrir mér hvað það er leiðinlegt að versla með öskrandi foreldra og grenjandi börn yfir sér. Sem betur fer tók þetta fljótt af og ég fór út úr búðinni með 13 pör af sokkum og smá mat. Þá fór ég í 10-11 að versla mér hárlit, sem var ekki til í europris, og þegar ég var búin að setja næstum allt sem var ekki til í europris í körfuna komst ég að því að hárliturinn var ekki til í 10-11. Ég endaði þessvegna í Nóatúni. Keypti það sem var ekki til í hinum búðunum og hélt heim á leið. Krakkarnir vildu pulsur í matinn svo ég ruslaði þeim upp. Jóhanna sá aflitunnarefnið sem ég keypti og spurði mig mjóróma hvort ég ætlaði að lita hárið á mér ljóst. Aftur. Hún sendi frá sér gleði "hjúkk" þegar ég sagði nei. Var ég svona hörmuleg ljóshærð? Líklega.. Nú sit ég og hlusta á "It had to be you" með Tony Bennett og slaka á. Búin að þrífa eldhúsið og á leiðinni í bað... þegar og ef Tóti ratar heim úr vinnunni. | anna | 19:22 |
comments
Hva, thu ferd bara i bad ef Toti kemur heim? Thad er eins gott ad hann fer ekki i neinar langferdir. Nr. 1 | posted by: organistinn | 31.05.2003 | 5:33:24 | [+] |Anna mín!
|
