 |
|
|
|
 |
|
Point of no return
Miðvikudagur, 01. september 2010
Sumum á eftir að þykja það sem ég er um það bil að fara að gera, insane. Sannleikurin er að innst inni vil ég frekar lifa við að ég hafi gert mistök, en að lifa við að ég reyndi ekki. Í þessu tilfelli veit ég að ég myndi alltaf sjá eftir því. Ég mun kveðja landið mitt, en held röddinni.
 Eftir vinnu - future of hope
Miðvikudagur, 01. september 2010
16:57 - kom heim úr vinnunni Ég er svo fegin að ég vaknaði vegna þess að ég var svo heppin að fá boðsmiða á forsýningu myndarinnar "Future of Hope". Og ég er sammála þeim sem sagði: "þetta er the real inspired by Iceland". Það er heilmikil von allt í kringum okkur.
Magnað
Miðvikudagur, 01. september 2010
Það er risastórt, hrikalega gott Marabou súkkulaðistykki búið að liggja á stofuborðinu í hátt í viku. Anna: hvernig stendur á því að enginn er búinn að borða þetta súkkulaði?
Tango
Þriðjudagur, 31. ágúst 2010
Afmælisgjöfin mín í ár er námsskeið fyrir okkur að læra Argentískan Tangó. Ég hefði ekki getað hugsað mér betri afmælisgjöf frá honum. Og þar sem við höfum dansað saman áður veit ég að við verðum góðir dansfélagar. Við lesum hvort annað rétt. "Argentine tango is ... magical, intoxicating, mysterious, romantic, and passionate."
Pappírar
Sunnudagur, 29. ágúst 2010
Ég er búin að fara í gegnum haug af pappírum í dag og í nótt og hef komist að því að ég lifi nú bara frekar skemmtilegu lífi. Eitt af því sem ég fann, og mér finnst skemmtilegt, eru glósur sem ég tók niður varðandi Lýðveldisbyltinguna. Á einu blaði stendur á spássíunni: "Mér finnst stundum svo magnað hvað menn fara flókna leið til að gera hlutina einfalda." Ég veit ekki hvort ég hugsaði þetta eða heyrði þetta og skrifaði niður. Það fylgir mér töluvert minna pappírsflóð núna en þegar ég var yngri - á móti kemur að það fylgir mér stöðugt meira af hörðum diskum. Þeir taka miklu minna pláss. In the end verð ég sennilega algjörlega rafræn.
L.O.V.E
Sunnudagur, 29. ágúst 2010
39
Sunnudagur, 29. ágúst 2010
57 eftir.
Ég og Móglí
Laugardagur, 28. ágúst 2010
Fór að versla í morgun og kom heim með kerti, hvítvín, bjór, svínalundir, batman begins, the dark knight og fleira góðgæti - nema þegar ég opnaði hurðina heima var geitungur fluttur inn. Hann heitir Móglí. Undir venjulegum kringumstæðum hefði ég tilkynnt Móglí að nærveru hans væri ekki óskað og gefið honum tíu mínútur til að hypja sig. Annars yrði hann drepinn. En einhverra hluta vegna kippti ég mér ekkert upp við nýja sambýlinginn, gekk frá öllu góssinu og skellti batman í tækið. Þegar ég var búin að því bauð ég honum að horfa með mér. Ég held að Móglí hljóti að vera alíslenskur því hann er með smá athyglisbrest og er sennilega ofvirkur líka, allavega gat hann ekki setið kyrr yfir batman lengi í einu, en hann kom samt alltaf aftur - enda ekki annað hægt þegar batman er annars vegar. Svo svindla ég sjálf því ég var ekki að horfa á myndina heldur, ég var að ganga frá pappírum í möppur. Seinnipartinn fór ég í bað, allt of heitt bað, og þegar ég kom uppúr fór ég beina leið uppí rúm og sofnaði. Móglí vakti mig rétt fyrir klukkan tíu og ég fór frammúr. Fékk símtal frá útlöndum frá manninum sem ég elska, sagði honum reyndar ekki frá Móglí, enda er það samband algjörlega platónískt. Hann er fúll af því afmælisgjöfin mín er ekki komin þó hann hafi verið fullvissaður um að hún kæmi til mín í dag. Hún kemur. Nú ætlum við Móglí að skella The dark knight í tækið og ég held að hann ætli að vaka með mér þangað til ég fer útá flugvöll í nótt. Ég er að sækja frumburðinn minn sem er búinn að vera á Ítalíu síðustu viku. Það verður gott að fá hann heim.
Hundur á roði
Föstudagur, 27. ágúst 2010
Af hverju segir Biskup ekki af sér? Það hagnast aðeins ein manneskja á því að hann haldi embættinu úr því sem komið er: hann sjálfur. Þetta er mjög gott dæmi um þegar menn taka sérhagsmuni fram yfir hagsmuni heildarinnar. Það er ekki betra fyrir kirkjuna að hann sitji áfram. Það er alveg ljóst, svo ef hann væri að hugsa um hag kirkjunnar væri hann búinn að stíga niður. Ég vona að þetta ömurlega mál verði til þess að aðskilnaður ríkis og kirkju verði að veruleika á Íslandi.
|
||||||||||||||||||||||||||||||||||||
